Viral Dance Video : ज्याप्रमाणे जमिनीवर विविध प्रकारचे हिंस्र प्राणी राहतात, त्याचप्रमाणे पाण्याच्या आत देखील विविध प्रकारचे धोकादायक प्राणी राहतात, जे मानवांसाठी खूप घातक आहेत. यामध्ये शार्क माशाचाही समावेश आहे. शार्क (Shark Viral Video) म्हणजे समुद्रातील सर्वात वेगवान शिकारी प्राणी मानला जातो, जे त्यांच्या तीक्ष्ण दातांनी हल्ला करू शकतात. अशातच, जर मानव कधी त्यांच्या तावडीत सापडला तर काय होईल याची कल्पना करा. कधी कधी ते माणसांची शिकारही करतात. शार्कशी संबंधित एक व्हिडीओ सध्या सोशल मीडियावर (Social Media) व्हायरल होत आहे, जो खूपच आश्चर्यकारक आहे.
चक्क शार्कसोबत रोमँटिक नृत्य
शार्कशी संबंधित विविध प्रकारचे व्हिडीओ तुम्ही पाहिले असतील, ज्यामध्ये ते कधी मानवांवर हल्ला करताना दिसतात तर कधी समुद्रातील लहान माशांची शिकार करताना दिसतात. त्यामुळे समुद्रात जाणारे लोक शार्कला घाबरतात, आणि जर कधी तो दिसला तर लोक तिथून पळून जातात, या व्हायरल व्हिडीओमध्ये वेगळेच दृश्य पाहायला मिळते. इथे एक व्यक्ती शार्कसोबत आनंदाने नाचताना दिसत आहे. व्हिडीओमध्ये पाहू शकता की, शार्कसह अनेक मासे मोठ्या मत्स्यालयात पोहत आहेत. त्याच मत्स्यालयात, एक माणूस प्रवेश करतो आणि कोणतीही भीती न बाळगता शार्कसोबत रोमँटिक नृत्य सुरू करतो.
माणूस शार्कबरोबर कसा नाचतोय? एकदा पाहाच
अंगावर काटा आणणारा व्हिडीओ सोशल मीडिया प्लॅटफॉर्म ट्विटरवर कूल व्हिडीओज नावाच्या आयडीसह शेअर करण्यात आला आहे. अवघ्या 7 सेकंदांचा हा व्हिडिओ आतापर्यंत 47 हजारांहून अधिक वेळा पाहिला गेला आहे, तर शेकडो लोकांनी या व्हिडीओला लाईकही केले आहे. त्याचबरोबर हा व्हिडिओ पाहून लोकांनी वेगवेगळ्या प्रतिक्रिया दिल्या आहेत.
इतर बातम्या
Mohali : जत्रेत 50 फूट उंचीवरून खाली कोसळला आकाश पाळणा, अनेक जण जखमी, थरारक घटनेचा व्हिडीओ व्हायरल