Snake Viral Video : सध्या सोशल मीडियावर पाळीव प्राण्यांचे अनेक व्हिडीओ व्हायरल ( Viral Video) होत असतात. हे व्हिडीओ कधी मजेशीर असतात, तर कधी अंगाचा थरकाप उडवणारे असतात. अनेक लोकांना पाळीव प्राण्यांची खूप आवड असते. त्यामुळे घरात कुत्री, मांजरी आणि माकडं पाळायला त्यांना आवडतं. पण काही लोक याहीपुढे जाऊन साप, अजगर पाळतात. सध्या सोशल मीडियावर एक व्हिडीओ प्रचंड व्हायरल होत आहे. या व्हिडीओत एक महिला आपल्या पाळीव अजगरासोबत (Pet Python) खेळताना दिसत आहे. परंतु, हा अजगर अजस्त्र आहे आणि त्याला बघताच अंगाचा थरकाप उडतो. या व्हिडीओत अजस्त्र अजगराने आपल्या मालकिणीवरच हल्ला केला आहे. अजगर एवढ्यावरच थांबला नाही, तर त्याने महिलेच्या हाताला घट्ट पिळ घातला. यानंतर ती महिला स्वत:ची सुटका करुन घेण्यासाठी आटोकाट प्रयत्न करते. पण यादरम्यान हाताला अजगाराने चावा घेतल्यामुळे महिला रक्तबंबाळ झाल्याचं दिसून येत आहे.
हा व्हिडीओ सोशल मीडियावर अनेक लोकांनी शेअर केला आहे. हा व्हिडीओ पाहून अनेक युजर्सच्या अंगावर भीतीने काटा आला, तर काही युजर्सना घाम फुटला आहे. याचं कारण सर्वसामान्यपणे लोक अजगराला बघताच धूम ठोकतात आणि आपला जीव वाचवण्यासाठी सुरक्षित अंतरावर जाऊन थांबतात. परंतु, या व्हायरल व्हिडोओत महिलेने एका अजस्त्र आणि हिंस्त्र अजगराला पाळल्याचं दिसून येत आहे. या व्हायरल व्हिडोओने अनेक लोकांचं लक्ष वेधून घेतलं आहे. त्यामुळे या व्हिडोओला अनेक लोकांकडून सोशल मीडियावरून शेअर केलं जात आहे.
अजगराचा मालकिणीवर हल्ला
हा व्हायरल व्हिडीओ ट्विटरवर @DailyLoud या नावाच्या आकाऊंटवरुन शेअर करण्यात आला आहे. या व्हायरल व्हिडीओमध्ये महिला आपल्या पाळीव अजगराच्या पिंजऱ्याजवळ जाते आणि पिंजऱ्याचं झाकण उघडते. यानंतर काही समजण्याच्या आतच अजगराकडून महिलेवर हल्ला करतो. यादरम्यान महिलेच्या हाताला अजगर घट्ट आवळून धरतो. यानंतर एक पुरुष महिलेच्या मदतीला धावून येतो आणि महिलेला अजगराच्या तावडीतून सोडवण्याचा पूर्ण ताकदीने प्रयत्न करताना दिसून येतो.
व्हिडोओ पाहून युजर्स झाले आश्चर्यचकित
सध्या हा अजगराचा व्हिडीओ अनेक लोकांनी पाहिला आहे. या व्हिडीओला आतापर्यंत एक लाखापेक्षा जास्त लोकांनी लाईक केलं आहे आणि 13 हजारहून जास्त लोकांनी व्हिडीओ रिट्वीट केलं आहे. हा व्हिडीओ पाहून अनेक लोकांनी आश्चर्यकारक प्रतिक्रिया दिल्या आहेत. एका युजरने व्हिडोओ प्रतिक्रिया देताना लिहिले की, 'हे सर्वात मोठे उदाहारण आहे की, साप का पाळू नये.' तर अनेक युजर्सनी आजपर्यंतचा सर्वाधिक धोकादायक व्हिडीओ असल्याचे सांगितले आहे.
ही बातमी वाचा :