Galaxy Watch 5 Pro Pre Booking : भारतात Samsung Galaxy Watch 5 आणि Galaxy Watch 5 Pro ची भारतात प्री-बुकिंग सुरू झाली आहे. सॅमसंगने (Samsung) काही काळाआधीच Galaxy Z Fold 4, Galaxy Z Flip 4 आणि Galaxy Buds 2 Pro यांच्यासोबत Galaxy Watch 5 सीरीज जागतिक स्तरावर लाँच केलं आहे. Samsung Galaxy Watch 5 आणि Galaxy Watch 5 Pro भारतात किती किमतीला उपलब्ध आहे, त्यावर कोणत्या ऑफर्स आहेत जाणून घ्या सविस्तर...
भारतातील किंमत आणि ऑफर
तुम्हाला Samsung Galaxy Watch 5 आणि Samsung Galaxy Watch 5 Pro ची प्री-बुकींग Samsung.com या अधिकृत वेबसाईटवर करता येईल. याशिवाय तुम्ही ऑफलाईल स्टोर्समध्ये जाऊनही प्री-बुकींग करु शकता. Samsung Galaxy Watch 5 तुम्हाला 27,999 हजार रुपयांनी उपलब्ध असेल तर, Samsung Galaxy Watch 5 Pro 44,999 रुपयांना खरेदी करता येईल.
Galaxy Watch 5 (40 मिमी) ब्लूटूथ-ओनली मॉडलची किंमत 27,999 रुपये आहे. याच्याच LTE व्हर्जन तुम्हाला 32,999 रुपयांना खरेदी करता येईल. Galaxy Watch 5 (40 मिमी) ब्लूटूथ-ओनली व्हर्जनची किंमत 30,999 रुपये आहे. याच्याच LTE व्हर्जनची किंमत 35,999 रुपये आहे. Galaxy Watch 5 Pro (45 मिमी) ब्लूटूथ-ओनली व्हर्जन तुम्हाला 44,999 रुपयांना उपलब्ध असेल, तर याचं LTE व्हर्जन तुम्हाला 49,999 रुपयांना खरेदी करता येईल.
5000 रुपयांपर्यंत कॅशबॅक मिळवण्याची संधी
Galaxy Watch 5 (40 मिमी) तीन रंगामध्ये उपलब्ध आहे. यामध्ये ग्रॅफाइट, पिंक गोल्ड आणि सिल्वर रंगात उपलब्ध असेल Galaxy Watch 5 (44 मिमी) ग्रॅफाइट, सॅफायर आणि सिल्वर कलरमध्ये उपलब्ध असेल. काही बँकांच्या कार्डवर तुम्हाला 3000 रुपयांपर्यंत कॅशबॅक मिळवण्याची संधी आहे. तर Galaxy Watch 5 Pro दोन रंगांमध्ये उपलब्ध असेल, यामध्ये ब्लॅक टाइटेनियम आणि ग्रे टाइटेनियम रंगात उपलब्ध असेल. यावर काही बँकांच्या कार्डवर तुम्हाला 5000 रुपयांपर्यंत कॅशबॅक मिळवण्याची संधी आहे.
Samsung Galaxy Watch 5 प्री-बुक करताना तुम्हाला Galaxy Buds 2 वर खास ऑफर देण्यात येईल. तुम्हाला 2,999 रुपयांमध्ये खरेदी करता येईल. याशिवाय तुमचे जुने डिव्हाइस एक्सचेंज करताना 5,000 रुपयांपर्यंतची ऑफर दिली जात आहे. त्यामुळे या संधीचा नक्की लाभ घ्या.