Electric Scooter: ओकाया इलेक्ट्रिकने ईव्ही एक्स्पो 2021 मध्ये नवीन हाय-स्पीड इलेक्ट्रिक स्कूटर ओकाया फास्ट लाँच केली आहे. ओकाया फास्ट इलेक्ट्रिक स्कूटरची किंमत रु. 89,999 (एक्स-शोरूम (राज्य अनुदान वगळून) लाँच करण्यात आली आहे. त्यासाठीची बुकिंग आधीच सुरू झाली आहे. फक्त 2,000 रुपये टोकन रक्कम भरून कंपनीच्या अधिकृत वेबसाइटवरुन तुम्ही ही गाडी बुक करु शकता. याशिवाय, तुम्ही तुमच्या जवळच्या ओकाया ईव्ही डीलरशिपला भेट देऊनही बुक करू शकता.
या इलेक्ट्रिक स्कूटरची खासियत
- नवीन ओकाया फास्टचा टॉप स्पीड 60-70 किमी प्रतितास
- 4.4 kW लिथियम फॉस्फेट बॅटरी
- कंपनीच्या दाव्यानुसार एका चार्जवर 150 किमीची रेंज
- वापरानुसार रेंज 200 किमी पर्यंत वाढू शकते
- LED DRLs सह LED हेडलॅम्प, डिजिटल इन्स्ट्रुमेंट क्लस्टर
- आणि सुरक्षिततेसाठी एकत्रित ब्रेकिंग सिस्टम आहे
ओकाया भारताला 100% ईव्ही राष्ट्र बनवण्याच्या दिशेने काम करत आहे. OKAYA FAST सह आम्ही देशात कमी किमतीत सर्वोत्तम कामगिरी करणारी ई-स्कूटर लॉन्च केली असून ई-स्कूटर्ससाठी आवश्यक जलद-चार्जिंग पायाभूत सुविधांच्या निर्मितीमुळे, ओकाया या विभागात एक प्रमुख प्लेअर म्हणून आधीच उदयास यायला सुरुवात झाली असल्याचं ओकाया पॉवर ग्रुपचे व्यवस्थापकीय संचालक अनिल गुप्ता यांनी म्हटलं आहे
कंपनीने दिलेल्या माहितीनुसार ओकायाने आपल्या स्थापनेच्या पहिल्या सहा महिन्यांत देशभरात 225 पेक्षा जास्त डीलरशीप स्थापन केल्या आहेत. ओकायाने EV एक्स्पोमध्ये आपली आगामी इलेक्ट्रिक बाईक फेराटो प्रदर्शित केली आहे जी FY22 च्या दुसऱ्या तिमाहीत लॉन्च होण्याची अपेक्षा आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
हे देखील वाचा-