मुंबई : रिलायन्स जिओ देशातील एक हजार शहरांमध्ये 5जी लॉन्च करण्याच्या तयारीत आहे. कंपनी तिच्या 5G नेटवर्कवर आरोग्यसेवा आणि औद्योगिक ऑटोमेशनची चाचणी करत आहे. 5G नेटवर्कवर डेटा वापर जास्त असेल म्हणून कंपनी उच्च वापर होणारा परिसर किंवा भाग आणि ग्राहक ओळखण्यासाठी हीट मॅप्स, 3D नकाशे आणि रे ट्रेसिंग तंत्रज्ञान वापर करण्यात येतो आहे. जेणेकरून ग्राहकांच्या गरजेनुसार मजबूत नेटवर्क तयार करता येईल. रिलायन्स इंडस्ट्रीजच्या तिमाही निकालात ही बाब समोर आली आहे. मात्र, कंपनीने अद्याप शहरांच्या नावांची यादी जाहीर केलेली नाही.


भारतासह यूएसमध्ये 5G सोल्यूशन्स टीम तैनात


जिओने ग्राहक आधारित 5G सोल्यूशन्स विकसित करण्यासाठी अनेक टीम्स तयार केल्या आहेत. या टीम भारताप्रमाणे अमेरिकेत तैनात करण्यात आल्या आहेत. जेणेकरून या टीम्स विविध प्रकारचे 5G सोल्यूशन्स विकसित करू शकतील. कंपनीच्या विश्वासाला या टीम्स पात्र ठरतील असा दावा कंपनीने केला आहे. कंपनीच्या म्हणण्यानुसार या टीम 5G सोल्यूशन्स तयार करतील, ज्या तांत्रिक स्तरावर जगाच्या बरोबरीचे किंवा त्याहून चांगलं देतील. याशिवाय, कंपनीने युरोपमध्ये एक टेक्नॉलॉजी टीम देखील तयार केली आहे जी 5G ची तयारी करेल.


कंपनी 5G च्या जलद उपयोजनासाठी पायाभूत सुविधा देखील वेगाने वाढवते आहे. त्या ठिकाणी फायबर आणि विजेची उपलब्धताही वाढवली जात आहे. जेणेकरून जेव्हा 5G रोलआउटची वेळ येईल तेव्हा त्यात कोणताही व्यत्यय किंवा विलंब होणार नाही.


ARPU 151.6 रुपयांपर्यंत वाढला


रिलायन्स जिओचा ARPU (दर महिन्याला प्रति ग्राहक सरासरी महसूल) देखील वाढला आहे. दरमहा प्रति ग्राहक एआरपीयू 151.6 रुपये झाला आहे. याचे कारण चांगले सिम एकत्रीकरण आणि नुकतीच सुमारे 20 टक्‍क्‍यांची किंमत वाढ असल्याचे मानले जाते. डेटा आणि व्हॉईस ट्रॅफिकमध्ये वाढ झाली आहे, म्हणजे दरमहा प्रति वापरकर्ता कॉलिंग. जिओ नेटवर्कवरील प्रत्येक ग्राहकाने दरमहा 18.4GB डेटा वापरला आणि सुमारे 901 मिनिटे बोलले.


जिओने या तिमाहीत 84 लाख ग्राहक गमावले


जिओने या तिमाहीत सुमारे 12 दशलक्ष ग्राहक आपल्या नेटवर्कमध्ये जोडले. सिम एकत्रीकरणाच्या प्रयत्नांमुळे, जिओने त्या वापरकर्त्यांना यादीतून काढून टाकले आहे जे सेवा वापरत नव्हते. यामुळे या तिमाहीत जिओच्या एकूण ग्राहकांची संख्या 84 लाखांनी कमी झाली आहे. जिओची ग्राहक संख्या आता 42 कोटी 10 लाखांच्या जवळपास आहे. दुसरीकडे, जिओ फायबरच्या ग्राहकांची संख्याही 50 लाखांच्या पुढे गेली आहे.


महत्त्वाच्या बातम्या : 



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha