Google Images search : गुगलने आपल्या 18 वर्षांखालील यूजर्ससाठी इंटरनेट वापरताना अधिक सुरक्षितता मिळावी यासाठी आपल्या धोरणामध्ये बदल केला आहे. आपल्या 18 वर्षांखालील यूजर्सना त्यांचे अकाउंट अधिक सुरक्षित बनावे यासाठी त्यांच्या डिजिटल फुटप्रिंटवर अधिक नियंत्रण देण्याची घोषणा गुगलने केली आहे. गुगलच्या या नव्या धोरणानुसार आता 18 वर्षाच्या आतील यूजर्स हे गुगलला आपले फोटो हे सर्च इंजिनमधून हटवण्याची विनंती करु शकतात.
जर यूजर्स हे अधिक लहान असतील किंवा त्यांना या प्रकारची विनंती करता येऊ शकली नाहीत तर त्यांचे पालक गुगलकडे तशा प्रकारची विनंती करु शकतात. पण सर्च इंजिनवरुन हे फोटो जरी हटवले तरी वेबसाईटवरुन ते हटवता येणार नसल्याचं गुगलने स्पष्ट केलं आहे. येत्या काही आठवड्यात आपण अशा प्रकारचे धोरण आणणार आहोत जे 18 वर्षाच्या आतील यूजर्सना किंवा त्यांच्या पालकांना गुगल रिझल्ट्सवरुन त्यांचे फोटो हटवण्यासाठी सक्षम करतील असं गुगलने म्हटलं आहे.
सर्चवरुन जरी फोटो हटवला तरी वेबसाईटवरुन तो हटवता येणार नाही. परंतु गुगलच्या या नव्या धोरणामुळे युवकांना त्यांच्या डिजिटल फुटप्रिन्ट्सवर अधिक नियंत्रण ठेवता येणार आहे असा विश्वास गुगलने व्यक्त केला आहे.
महत्वाचं म्हणजे 13 वर्षाच्या आतील वयाच्या यूजर्सना गुगलवर अकाउंट उघडता येत नाही. पण संबंधित अकाउंट हे 13 वर्षाच्या वयाच्या वरच्या यूजर्सचे आहे की बनावट आहे हे तपासण्यासाठी गुगलकडे सध्या कोणतेही साधन नाही. त्यामुळे येत्या काळात गुगल आपल्या यूट्यूब, गुगल सर्च अॅप, आणि इतर साईटवर बदल करण्याच्या तयारीत आहे.
ज्या कन्टेन्टला यंग यूजर्सनी सर्च केलं नाही तो कन्टेन्ट गुगलवर दाखवला जाणार नसल्याचंही गुगलने स्पष्ट केलं आहे. तसेच गुगल आता नवीन सुविधा सुरु करण्याच्या तयारीत आहे. इंटरनेटवरील कोणतं अॅप हे प्रौढांसाठी आहे याची माहिती गुगल आता 18 वर्षांच्या आतील यूजर्सना आणि त्यांच्या पालकांना देणार आहे.
महत्वाच्या बातम्या :