Pune Crime: पुण्यातील सिंहगड रोड परिसरात एका महिलेला अश्लील शिवीगाळ करत मारहाण केल्याची धक्कादायक घटना घडली आहे. त्याचबरोबर आरोपीनं त्या महिलेच्या मुलालाही बेदम मारहाण केली आहे. नोव्हेंबर 2021 मध्ये हा सगळा प्रकार घडला असून काल याप्रकरणी एका 50 वर्षाच्या महिलेच्या सांगण्यावरून एकूण सात जणांवर गुन्हा दाखल करण्यात आला आहे. सिंहगड रोड पोलीस स्टेशनमध्ये पिडीत महिलेच्या तक्रारीवरून श्रीकांत दोडमणी आणि त्याच्या इतर 5 ते 6 सहकाऱ्यांविरोधात गुन्हा दाखल करण्यात आला आहे.
आरोपी आणि या महिलेचा प्लॉट सिंहगड रोड परिसरात आजू बाजूला आहेत. अनिल जागेवरून अनेक दिवसांपासून वाद देखील सुरू आहे. ज्या दिवशी ही घटना घडली अगदी त्या दिवशी सुद्धा आरोपी आणि त्याच्या साथीदारांनी जागेच्या कारणावरून महिलेच्या राहत्या घराच्या पत्र्याची तोडफोड केली. याबाबाब जाब विचारण्यासाठी गेलेल्य पिडीत महिला आणि तिच्या मुलाला आरोपींनी अश्लील शिवीगाळ करत लाथाबुक्क्यांनी आणि दांडक्याने मारहाण केली. त्याचबरोबर आरोपीने महिलेचा विनयभंग देखील केला.
त्यानंतर आरोपींनी त्यांच्या घरतील सामान बाहेर आणत जाळले. तसेच पीडित महिलेचे संसार उपयोगी सामान गाडीत भरून नेले अशी फिर्याद आरोपी महिलेने सिंहगड पोलिसांत दिली आहे. या घटनेनंतर परिसरात एकच खळबळ माजली आहे. यासंदर्भात पोलीस प्रशासन कशा प्रकारे कारवाई करते? याकडं सर्वांचं लक्ष लागलं आहे.
हे देखील वाचा-
- Maharashtra Breaking News LIVE Updates : अयोध्येच्या दौऱ्याची तारीख राज ठाकरे उद्या मेळाव्यात करणार जाहीर; सूत्रांची माहिती
- मुख्यमंत्री नाराज नाहीत, गृहखात्यामध्ये काही कमतरता असेल तर त्यात सुधारणा केली जाईल: दिलीप वळसे-पाटील
- Congress Protest: सिलेंडर आणि बाईकला हार घालून वाहली श्रद्धांजली, वाढत्या महागाईविरोधात काँग्रेसचं लक्षवेधी आंदोलन
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha