विजेची तार पाण्यात गेली, अन् होत्याचं नव्हतं झालं; पुण्यात शॉक लागून महिलेचा दुर्दैेवी मृत्यू!

पुण्यात एका महिलेचा विजेचा झटका लागून दुर्दैवी मृत्यू झाला आहे. डीपीच्या तारा पाण्यात पडल्याने ही दुर्दैवी घटना घडली आहे.

पुणे : सध्या पुण्यात ठिकाठिकाणी पाऊस (Pune Rain Update) बरसतोय. काही दिवसांपूर्वी पुण्यात चांगलाच पाऊस झाला होता. या पावसात पुण्यात पूर आला होता. तेव्हा मोठ्या प्रमाणत वित्तहानी झाली होती. आता याच पावसाने एका महिलेचा करुण अंत झाला आहे. विद्युत वायरचा शॉक लागून या महिलेचा दुर्दैवी मृत्यू झाला आहे. पुण्यातील कोंढवा परिसरात ही दुर्दैवी घटना घडली असून मृत महिलेचे वय 40 वर्षे आहे. 

पाण्यात विद्यात प्रवाह पसरला, महिलेला नव्हती कल्पना

मिळालेल्या प्राथमिक माहितीनुसार, मृत्युमुखी पडलेली महिला कोंढवा परिसरात राहायला होती. काल दुपारनंतर झालेल्या मुसळधार पावसामुळे कोंढवा परिसरात मोठ्या प्रमाणावर पाणी साठले होते. दरम्यान, पाऊस कमी झाल्यानंतर ही महिला बाहेर पडली होती होती. मात्र या परिसरात अशलेल्या डीपीमधून विद्युत तारा बाहेर आल्या होत्या. या तारा रस्त्यावर साठलेल्या पाण्यात आल्या होत्या. परिणामी संपूर्ण परिसरात विद्यूत प्रवाह पसरला होता. याची मृत महिलेला कल्पना नव्हती. परिणामी घराबाहेर आल्यानंतर पाण्यातील तारा महिलेला दिसल्या नाहीत. या तारांचा स्पर्श महिलेला झाला. परिणामी विद्युत तारांच्या झटक्यात या महिलेचा जागीच मृत्यू झाला.

प्रशासनाने डीपी दुरुस्त का केला नाही?

दरम्यान, या घटनेनंतर परिसरात हळहळ व्यक्त करण्यात येत आहे. डीपीच्या तारा बाहेर आल्या होत्या तर या परिसरातील प्रशासनाने त्याची दखल का घेतली नाही? डीपीची दुरुस्ती करण्यास विलंब का लावला? असे अनेक प्रश्न स्थानिकांकडून उपस्थित केले जात आहेत. 

हेही वाचा :