Pune Accident Sushma Andhare: पुण्याच्या कल्याणीनगरमधील (Pune Accident) पोर्शे कार अपघात प्रकरणात ससूनच्या दोन वरिष्ठ डॉक्टरांना अटक झाली. डॉ. अजय तावरे (Ajay Taware) आणि डॉ. हळनोर यांच्या जीविताला धोका आहे. 4 जूनला लोकसभा निकालानंतर गौप्यस्फोट करणार असल्याचे शिवसेना उद्धव ठाकरे गटाच्या सुषमा अंधारे म्हणाल्या. त्या पुण्यात बोलत होत्या. कायदा सुव्यवस्था अबाधित राहावी आणि पोलिसांवरचा ताण कमी व्हावा, यासाठी खुलासे 4 जूननंतर करणार, असल्याचा इशारा सुषमा अंधारेंनी (Sushma Andhare) दिला आहे.
पोर्शे अपघात प्रकरणात अनेक मोठे प्रस्थ गुंतले आहेत. 12 तासाच्या आत जामीन मिळाला, पिझ्झा बर्गरच्या पार्ट्या झाल्या. रक्ताचे सॅम्पल बदलू शकतात, आरोपील वाचवायचे प्रयत्न होऊ शकतात तर पुरावे नष्ट करण्यासाठी अजय तावरेच्या जीवाला धोका का होणार नाही. आरोग्य खात्याचा सावळा गोंधळ तर आहेच. पण या सगळ्या संबंधाने विचार केला तर निश्चितच तावरेंच्या जीवाला धोका आहे. अजय तावरे हा रक्ताचे नमुने बदलणे, यापुरते मर्यादित नाही. गेल्या दहा वर्षात तावरेंनी काय-काय पाहिलं, मंत्रालयाचा सहाव्या मजल्यावर सत्ता बदलावेळी काय घडलं हे सगळं तावरेंकडून समोर येऊ शकतं, असा खळबळजनक दावा सुषमा अंधारेंनी केला आहे.
काही धक्कादायक खुलासे 4 जूननंतर करणार: सुषमा अंधारे
सुषमा अंधारे म्हणाल्या, मी एक पोस्ट केली आहे, जे बोलायचं आहे ते 4 जून नंतरच बोलेन. सध्या पोलिसांवर बराच ताण आहे, त्यांच्यावर अधिकचा ताण वाढवायचा नाही. त्यामुळं चार जून नंतरच मी त्या पोस्टवर बोलेन. डॉक्टर अजय तावरे आणि श्रीहरी हरनोर यांच्या जीवाला धोका असू शकतो, पोलिसांनी त्यांना संरक्षण द्यायला हवं, त्यांच्यावर लक्ष ठेवायला हवं. आर्यन खान आणि सिंघानिया प्रकरण असो की नवाब मलिक प्रकरण असो या प्रकरणातील जे व्हिटनेस आहेत. त्यांच्यासोबत काय घडलं याची सर्वांना कल्पना आहे. अशा परिस्थितीत डॉ. तावरे पोर्शे कार अपघात प्रकरणात महत्वाचे विटनेस आहेत. त्यांची सुरक्षितता महत्वाची आहे. त्यांच्या जीवाला धोका आहे.
ब्लर केलेले चेहरे कोणाच्या मुलांचे? सुषमा अंधारेंचा सवाल
सुनील टिंगरे खोटं बोलले, शिफारस पत्राने हे सिद्ध झालं. खुलादा देण्याची वेळ सुनील टिंगरेंवर का आली? नेहमी एका आमदारांची चर्चा या प्रकरणात होते. पबमधील व्हिडीओ समोर आला. त्यात काही चेहरे ब्लर केले आहेत. ते ब्लर चेहरे कोणाचे आहे याची माहिती समोर आली पाहिजे, असे सुषमा अंधारे म्हणाले.
गृहमंत्री पद माझ्याकडे द्या, मी सगळं बाहर काढते : सुषमा अंधारे
विरोधकांनी राजकारण करू नये, हे सांगण्यात देवेंद्र फडणवीस साहेब तुम्ही वेळ का घालवता? पोर्शे अपघात प्रकरणी इथं येऊन का खुलासा करत नाही? विरोधकांनी काय करावं यापेक्षा सत्ताधाऱ्यांनी काय करावं हे त्यांनी सांगावं. गृहमंत्री पदाची जबाबदारी माझ्याकडे द्या, मी तावरेंशी कोण-कोण बोललं हे समोर काढते, असे देखील सुषमा अंधारे म्हणाल्या.
Video :