लोणावळ्यात भुशी डॅम परिसरात पाय घसरुन पर्यटकाचा मृत्यू

लोणावळ्यातल्या भुशी डॅम परिसरात पाय घसरुन पडल्यानं एका पर्यटकाचा मृत्यू झाला आहे. संतोष सोनकांबळे असं या 23 वर्षीय तरुणाचं नाव असून तो हडपसरचा रहिवासी असल्याची माहिती आहे.

पिंपरी : लोणावळ्यातल्या भुशी डॅम परिसरात पाय घसरुन पडल्यानं एका पर्यटकाचा मृत्यू झाला आहे. संतोष सोनकांबळे असं या 23 वर्षीय तरुणाचं नाव असून तो हडपसरचा रहिवासी असल्याची माहिती आहे.

भुशी डॅम परिसराजवळच्या एका डोंगरावर चढत असताना संतोषचा पाय घसरला आणि दगडावर डोकं आपटून तो गंभीर जखमी झाला. उपचारादरम्यान त्याचा मृत्यू झाला.

भुशी धरण परिसरात झालेल्या अतिवृष्टीमुळे गेले काही दिवस परिसरात पर्यटकांना बंदी घालण्यात आली होती. ती उठवण्याचा निर्णय लोणावळा पोलिसांनी घेतला होता. ही बंदी उठवल्यानंतर पहिल्याच दिवशी ही दुर्घटना घडली आहे.