Kalyani Nagar Pune Accident : पुणे अपघात (Pune Accident ) प्रकरणात मोठी अपडेट समोर आली आहे. आज सकाळपासून मुलाचे वडील विशाल अग्रवाल (Vishal agarwal) यांची चौकशी सुरू होती. संध्याकाळी आजोबा सुरेंद्र कुमार अगरवाल आणि विशाल अग्रवाल यांना समोरासमोर बसून रॅश ड्रायव्हिंग केस संदर्भात चौकशी करण्यात आली. अल्पवयीन आरोपी आणि कल्याणी नगर रॅश ड्रायव्हिंग केस प्रकरणात पोर्शे गाडीबद्दल काही प्रश्न होते. चौकशी दरम्यान दोघांच्या उत्तरांमध्ये काही प्रमाणात तफावत जाणवत होती. म्हणून आरोपीचे वडिल विशाल अग्रवाल आणि आजोबा सुरेंद्र कुमार अगरवाल यांना समोरासमोर चौकशी साठी पुणे पोलिस आयुक्तालयात आणलं गेलं. अल्पवयीन मुलाची वागणूक, या घटनेआधी तो कसा वागायचा? एकूण त्याच्या लाईफस्टाईल बद्दल काही प्रश्न देखील या दोघांना विचारण्यात आले.
अपघात प्रकरणात पोर्शे गाडीतील आरोपीचे दोन मित्रही अल्पवयीन
पुणे अपघात प्रकरणात पोर्शे गाडीतील आरोपीचे दोन मित्रही अल्पवयीन होते. त्यामुळे शुक्रवारी (दि.23) सकाळी 11 वाजता पॉर्शे गाडीतील अल्पवयीन आरोपीच्या दोन मित्रांना त्यांच्या पालकांबरोबर चौकशीसाठी बोलावण्यात आले आहे. तर ते दोन्ही मित्र महाराष्ट्र बाहेरील असल्याची माहिती मिळत आहे. तर विशाल अगरवाल, सुरेंद्र अगरवाल, बार कर्मचारी सगळ्यांची उद्या पुन्हा चौकशी होण्याची शक्यता आहे. यातून काही महत्त्वाची माहिती समोर येण्याची शक्यता आहे. कल्याणी नगर अपघाताप्रकरणी आता पुणे पोलिसांचे देखील होणार चौकशी असल्याची माहिती आहे. पुणे पोलीस आयुक्त अमितेश कुमार यांनी याबाबतचे आदेश दिले आहेत. पोलीस आयुक्तांमार्फत नेमण्यात आलेल्या पोलिसांची समिती मार्फत चौकशी करण्यात येणार असल्याची माहिती देण्यात आली आहे.
पोलीसांच्या आणि राजकीय वरदहस्तामुळे जामीन मिळाल्याचा आरोप
विशाल अग्रवालच्या मुलाला पैसा, पोलीस आणि राजकीय वरदहस्तामुळे जामीन मिळाल्याचा आरोप करण्यात येत होता. सोशल मीडियावरही या प्रकरणावरुन संताप व्यक्त करण्यात येत होता. अजित पवारांच्या राष्ट्रवादीचे आमदार सुनील टिंगरे यांनी या प्रकरणात मध्यस्थी करुन मदत केल्याचे आरोप करण्यात येत होते. मात्र, सुनील टिंगरे यांनी हे आरोप नाकारले होते.
इतर महत्वाच्या बातम्या