Raj Thackeray Uddhav Thackeray Mahavikas Aghadi Mumbai Morcha मुंबई: मतदारयाद्यांमधील घोळ आणि कथित मतचोरीविरोधात महाविकास आघाडी आज (1 नोव्हेंबर) एल्गार पुकारणार आहेत. महाविकास आघाडी आणि मनसे आज मुंबईत (Mahavikas Aghadi Mumbai Morcha) आयोगाविरोधात मोर्चा काढणार आहे. सत्याचा मोर्चा असं या मोर्चाचं नामकरण करण्यात आलंय. या मोर्चाला उद्धव ठाकरे (Uddhav Thackeray), राज ठाकरे (Raj Thackeray), आदित्य ठाकरे, अमित ठाकरे उपस्थित असणार आहेत.
आयोगाचा बेजबाबदार कारभार, मतचोरी, मतांमधील घोळ, निवडणुकीतील गैरव्यवहार याबाबत हा मोर्चा काढण्यात येत आहे. लोकांना सत्य कळावं आणि असत्य जनतेसमोर यावं या मोर्चाचं आयोजन करण्यात आलंय. मोर्चा दुपारी 1 वाजता मुंबईतील फॅशन स्ट्रिटवरून सुरू होईल. मेट्रो सिनेमामार्गे मुंबई महापालिकेच्या प्रवेशद्वारावर थांबेल. दरम्यान, महाविकास आघाडी आणि मनसेच्या या सत्याच्या मोर्चाला पोलिसांनी अद्याप परवानगी दिलेली नाहीय. विनापरवानगी मोर्चा झाल्यास पोलीस कायदेशीर कारवाई करणार असल्याची माहिती मिळत आहे. मोर्चानंतर आयोजकांवर गुन्हाही दाखल होण्याची शक्यता आहे. पोलिसांच्या परवानगीवर मनसेचे ज्येष्ठ नेते बाळा नांदगावकर यांनी प्रतिक्रिया दिली आहे.
बाळा नांदगावकर काय म्हणाले? (Bala Nandgaonkar On Raj-Uddhav Thackeray Morcha)
पोलिसांनी कारवाई केली तर आम्ही सामोरे जाण्यासाठी तयार आहोत. परवनागी नसली तर मोर्चा होणार असं बाळा नांदगावकर यांनी स्पष्ट केलं. पोलिसांसोबत आमची बैठक झाली होती तेव्हा पोलीस सकारात्मक होते. अद्याप परवानगी नाही, पण कारवाईला झाली तर समोर जायला तयार आहोत, असं बाळा नांदगावकरांनी सांगितले. राज ठाकरे ट्रेनने प्रवास करतील. पाऊस असला तरी मोर्चा तसाच होणार असून शरद पवार, उद्धव ठाकरे, राज ठाकरे, बाळासाहेब थोरात, हर्षवर्धन सपकाळ यांची भाषणं होतील, अशी माहिती बाळा नांदगावकर यांनी दिली.
विरोधकांच्या नेमक्या मागण्या काय? (What are the demands?)
1. मतदारयाद्या अद्ययावत करा
2. मतदारयाद्यांतील दुबार नावे काढा
3. मतदारयाद्या अपडेट होईपर्यंत निवडणुका लांबवा
4. सात नोव्हेंबरपर्यंत मतदार नोंदणी करा
मोर्चात कोण कोण उपस्थित राहणार? पाहा यादी- (Who will be present at the morcha?)
शरद पवार, राष्ट्रवादी(शप)
उद्धव ठाकरे, शिवसेना(उबाठा)
राज ठाकरे, मनसे
विजय वडेट्टीवार,काँग्रेस
बाळासाहेब थोरात,काँग्रेस
सुप्रिया सुळे,राष्ट्रवादी(शप)
जितेंद्र आव्हाड,राष्ट्रवादी(शप)
जयंत पाटील,राष्ट्रवादी(शप)
रोहित पवार,राष्ट्रवादी(शप)
शशिकांत शिंदे,राष्ट्रवादी(शप)
आदित्य ठाकरे,शिवसेना(उबाठा)
बाळा नांदगावकर, मनसे
जयंत पाटील, शेकाप
प्रकाश रेड्डी, भाकप
अनिल परब,शिवसेना(उबाठा)
अनिल देसाई, शिवसेना(उबाठा)
अरविंद सावंत, शिवसेना(उबाठा)
राजन विचारे , शिवसेना(उबाठा)
सचिन अहिर , शिवसेना(उबाठा)
अंबादास दानवे, शिवसेना(उबाठा)
सुनील प्रभू, शिवसेना(उबाठा)
सुनील शिंदे, शिवसेना(उबाठा)
अविनाश अभ्यंकर, मनसे
नितीन सरदेसाई, मनसे
संदीप देशपांडे, मनसे
अविनाश जाधव,मनसे
नसीम खान, काँग्रेस
सचिन सावंत, काँग्रेस
अमीन पटेल, काँग्रेस