BMC Election 2025 : राज्यातील 246 नगरपरिषदा आणि 42 नगरपंचायतीच्या निवडणुकीत (Nagarparishad-Nagarpanchayat Election Result 2025) महायुतीला (MahaYuti) अभूतपूर्व असं यश मिळालं आहे. अशातच या विजयानं महायुतीचा विजयाचा विश्वास दुणावला असून हाच ट्रेंड कायम ठेवण्यासाठी आता महायुतीत महापालिका निवडणुकींच्या (Election 2025) अनुषंगाने जोरदार मोर्चे बांधणी केली जात असल्याचे चित्र आहे. दरम्यान, साऱ्याचे लक्ष लागून राहिलेल्या मुंबई महापालिका निवडणुकीच्या (BMC Election 2025) पार्श्वभूमिवर येत्या 48 तासात भाजपची पहिली यादी जाहीर होण्याची शक्यता वर्तविण्यात येत आहे. यात मुंबईच्या जागांवर शिक्कामोर्तब होणार असल्याची विश्वसनीय सूत्रांची माहिती आहे.

Continues below advertisement

तर दुसरीकडे, उद्योग मंत्री आणि शिवसेना नेते उदय सामंत (Uday Samant)  यांना तातडीने उपमुख्यमंत्री एकनाथ शिंदे यांनी रत्नागिरीहून मुंबईला (Ratnagiri to Mumbai) बोलवले आहे. उदय सामंत मुंबईत दाखल होताच तात्काळ उपमुख्यमंत्री एकनाथ शिंदे यांची भेट घेणार आणि त्यानंतर वर्षा निवासस्थानी मुख्यमंत्री देवेंद्र फडणवीस यांच्या सोबत महत्वाची बैठक होणार असल्याची माहिती आहे. त्यामुळे महायुतीत आता घडामोडींना वेग प्राप्त झाला असून जागावाटपाचा तिढा लवकरच सुटण्याचे चिन्ह आहे.

BMC Election 2025 : येत्या 48 तासात भाजपची पहिली यादी जाहीर होण्याची शक्यता

Continues below advertisement

मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उद्योग मंत्री उदय सामंत यांच्यात महापालिका निवडणूकी संदर्भात महत्वाची चर्चा होऊन लवकरच युतीवर शिक्कामोर्तब होण्याची शक्याता आहे. गेल्या अनेक दिवसांपासून शिवसेना शिंदे गट (Shivsena Shinde Group) आणि भाजपामध्ये (BJP) जागा वाटपावरून जोरदार रस्सीखेच सुरू आहे. 18 डिसेंबर झालेल्या भाजपा आणि शिवसेनेच्या बैठकीत भाजपाने 102 जागांवर दावा केला आहे.  तर शिंदेंच्या शिवसेनेने 109 जागांवर दावा केला. (Devendra Fadnavis-Eknath Shinde)

भाजपाने 2017 ला जिंकलेल्या सर्व 82 जागांवर दावा केला आहे. तर भाजपाने 2017 ला दुसऱ्या क्रमांकावर राहिलेल्या जागांवरही दावा केल्याची माहिती समोर आली आहे. तसेच शिंदेंच्या शिवसेनेकडून 109 जागांवर दावा करण्यात आला आहे. शिंदेंच्या शिवसेनेने जिंकलेल्या 84 जागा जशाच्या तशा मागितल्या आहेत. (BMC Election 2025)

मुंबई महानगपालिका 2026 साठी निवडणूक कार्यक्रम- (BMC Election Date 2026)

  1. नामनिर्देशन- 23 डिसेंबर ते 30 डिसेंबर

  2. नामनिर्देशन पत्राची छाननी- 31 डिसेंबर

  3. उमेदवार मागे घेणे- 2 जानेवारी 2026 पर्यंत

  4. अंतिम यादी आणि चिन्ह- 3 जानेवारी 2026

  5. मतदान- 15 जानेवारी 2026

  6. मतमोजणी/निकाल-16 जानेवारी 2026

MahaYuti : शिवसेना-भाजपच्या जागावाटपाचा तिढा सुटणार? मोठ्या निर्णयाची शक्यता

राज्यातील 246 नगरपरिषदा आणि 42 नगरपंचायतीच्या निवडणुकीत महायुतीला अभूतपूर्व असं यश मिळाल्याचे बघायला मिळालंय. तर या निकालात भाजपाचाच वरचष्मा पहायला मिळतोय. 288 पैकी 117 जागांवर भाजपाचे उमेदवार नगराध्यक्षपदी निवडून आलेत. यामध्ये 34 पैकी 32 जिल्ह्यांमध्ये भाजपाचे नगराध्यक्षपदाचे उमेदवार विजयी झालेत. दरम्यान आगामी महापालिका निवडणुकांपूर्वी सेमी फायनल म्हणून समजल्या जाणाऱ्या हा निवडणुकीतील यशानंतर महायुतीचा विश्वास दुणावला आहे. अशातच आता साऱ्याना महापालिका निवडणुकांचे वेध लागले आहे. मात्र शिवसेना शिंदे गट आणि भाजपमध्ये जागा वाटपाचा तिढा अद्याप कायम असून यावर लवकर शिक्कामोर्तब होऊन भाजप आणि शिवसेनेच्या वतीने येत्या 48 तासात भाजपची पहिली यादी जाहीर होण्याची शक्यता वर्तविण्यात येत आहे.

संबंधित बातमी: