Nashik Crime News : गेल्या काही दिवसांपासून नाशिक शहरात गुन्हेगारीच्या घटनांमध्ये (Nashik Crime News) वाढ होत आहे. नाशिकमध्ये माजी नगरसेविकेच्या पतीसह अन्य तिघांवर धारधार शस्त्राने वार केल्याची घटना घडली आहे. नाशिकरोड (Nashik Road Murder) भागात ही घटना घडली आहे. ही घटना मंगळवारी मध्यरात्री घडली. याप्रकरणी पोलिसांनी गुन्हा दाखल करण्यात केला आहे. याप्रकरणी पोलीस अधिक तपास करीत आहे. रस्त्यावर वाढदिवस साजरा करून गोंधळ घालणाऱ्यांना हटकल्याने जीवघेणा हल्ला केल्याची प्राथमिक माहिती समोर येत आहे. हल्लानंतर तणावाचं वातावरण पसरलं आहे.
नाशिकमध्ये पुन्हा एकदा कायदा सुव्यवस्थेचा प्रश्न गंभीर झाला आहे, पोलीसांना आव्हान देत सर्रासपणे गावगुंडचा धुमाकूळ सुरू आहे. अचानक घडलेल्या घटनेनं नाशिकरोड परिसरात खळबळ उडाली होती जखमींना त्याकाळी उपचारासाठी रुग्णालयात हलविण्यात आल्यानंतर रात्री उशिरापर्यंत गर्दी होती. रात्री उशिरा एक दोन हल्लेखोरांना पोलिसांनी ताब्यात घेतले.
माजी नगरसेवकावर हल्ला केल्याने मोठी खळबळ
नाशिक शहरासह जिल्ह्यात (Nashik District) वाढणारी गुन्हेगारी काही नवीन नाही. सातत्याने होत असलेले प्राणघातक हल्ले, लूटमार, खून या सारख्या घटनांनी नाशिक हादरत आहे. मात्र नाशिककरांना हे नेहमीचे झाल्याने आता सवयीचा भाग झाल्याचे चित्र आहे मध्यरात्री वाहनांची तोडफोड, जाळपोळ, शहरात टोळक्यांकडून तलवारी नाचवत गोळीबार असे अनेक प्रकार गेल्या महिन्याभरापासून अनेक प्रकार समोर येत आहे.नाशिकमध्ये गावगुंडामुळे दहशत निर्माण झाली आहे. आता माजी नगरसेवकावर हल्ला केल्याने तर मोठी खळबळ उडाली आहे. या गुंडांना पोलिसांचा धाक राहिला नाही का? असा सवाल नागरिकांमधून उपस्थित होत आहे.
नाशिक शहरात गुन्हेगारी गंभीर
शहर पोलिसांकडून सातत्याने गुन्हेगारांची धरपकड केली जात असताना दुसरीकडे गुन्हेगारी कमी होण्याची नाव घेत नाही. 2023 च्या आकडेवारीनुसार नाशिकमध्ये सर्वसाधारण वर्षाला 25 ते 30 खून होत असल्याचे निदर्शनास आले. यावरुन नाशिक शहरात गुन्हेगारी किती गंभीर होत चालली आहे, हे लक्षात येते. महत्वाचं म्हणजे अशा गंभीर घटनांमध्ये अल्पवयीन मुलांचा सहभाग अधिक असल्याचे देखील दिसून येत आहे. एकीकडे पोलिसांकडून अशा गंभीर घटनांमध्ये तडीपारी, स्थानबद्धता, मोक्काच्या कारवायांमध्ये वाढ झाली. तरीही नाशिकची कायदा सुव्यवस्था रुळावर येत नसल्याचे चित्र आहे.
हे ही वाचा :