Eknath Khadse : नाशिकच्या (Nashik) डोंगरे वसतिगृह मैदानावर कालपासून सुरु असलेल्या महानुभाव संमेलनात (Mahanubhav Sammelan) आज राजकीय नेत्यांची मांदियाळी पाहायला मिळत आहे. यात राज्याचे उपमुख्यमंत्री देवेंद्र फडणवीस (DCM Devendra Fadnavis), मंत्री गिरीश महाजन (Girish Mahajan) व खान्देशातील जेष्ठ नेते एकनाथ खडसे (Eknath Khadse) यांची उपस्थिति आहे. दरम्यान भाजप (BJP) नेत्यांच्या गर्दीत मात्र एकनाथ खडसे एकाकी पडत असल्याचे चित्र आहे. विशेष म्हणजे महानुभाव संमेलन आयोजकांच्या कार्यक्रम पत्रिकेत खडसेंचे नावच नसल्याचे खडसे मंचावर उपस्थित कसे असाही सवाल उपस्थित केला जात आहे.
नाशिकच्या डोंगरे वसतिगृह मैदानावर भगवान श्री चक्रधर स्वामी यांचे अष्टशताब्दी जन्मोत्सवानिमित्त अखिल भारतीय महानुभाव संमेलन (Akhil Bhartiya Mahanubhav Sammelan) आजपासून सुरु झाले. ते बुधवार (दि 31) पर्यंत तीन दिवस चालणार असून आज पहिल्या दिवशी सकाळी चक्रधर स्वामींच्यां चरमाकीतस स्तनाक स्नान घालण्यात आले. दरम्यान दुपारी राज्याचे उपमुख्यमंत्री देवेंद्र फडणवीस आणि मंत्री गिरीश महाजन आले असताना दुसरीकडे मंचावर एकनाथ खडसे देखील उपस्थित असल्याचे मंचावर शांतता पसरल्याचे चित्र आहे.
दरम्यान मंत्री गिरीश महाजन आणि एकनाथ खडसे यांचा वाद राज्यात सर्वश्रुत आहे. त्यातच शिंदे- फडणविस सरकार स्थापन झाल्यापासून भाजप खान्देशातील मोठे नेते असून असून खडसे यांनी भाजप सोडल्यापासून गिरीश महाजन आणि खडसे यांच्या नेहमीच खटके पडत असतात. त्यामुळे या दोघांचा वाद नेहमीच चर्चेत असतो. शिवाय या दोघांच्या वादाला कारणीभूत हे देवेंद्र फडणवीस असल्याचे खडसे यांनी नाव न घेता अनेकदा राजकीय मंचावर म्हटले आहे. अशातच आज तीनही राजकीय नेते एकाच मंचावर आल्याने पुरता गोंधळ उडाला आहे.
या संमेलनास उपमुख्यमंंत्री देवेंंद्र फडणवीस उपस्थित असून त्यांच्यासोबत मंत्री गिरीश महाजन हे देखील उपस्थित आहेत. राज्यात पुनश्च सत्तेवर आल्यानंतर त्यांचा हा पहीलाच दौरा असल्याने संयोजक व भारतीय जनता पक्ष कार्यकर्त्यांत उत्साहाचे वातावरण आहे. त्यांच्या स्वागतासाठी पदाधिकारी सज्ज झाले आहेत. यावेळी संयोजकांतर्फे विविध मागण्या मांडल्या जाणार आहे. त्यात फडणवीस त्यांच्या पदारी काय टाकतात याकडे सर्वांचे लक्ष लागले आहे.
खडसे पडले एकाकी
दरम्यान दुसऱ्या दिवशीच्या दुपारनंतरचा कार्यक्रम सुरु झाल्यानंतर द्वीप प्रज्वलनादरम्यान सर्वच नेते उभे असताना मात्र खडसे एकाच जागेवर बसून होते. त्यामुळे भाजप नेत्याच्या गर्दीत एकनाथ खडसे एकाकी पडल्याचे दिसत होते. शिवाय दीप प्रज्वलन करत असताना फडणविस, खडसे उभे असताना मात्र खडसे बसून होते. तसेच त्यांना कोणी हटकल्याचे दिसले नाही. त्यामुळे आश्चर्य व्यक्त होते आहे. एकीकडे एकाच मंचावर असताना खडसेंना दुजाभाव भाजपकडून दिला जातोय का? असा सवालही या निमित्ताने उपस्थित होत आहे.
निमंत्रण पत्रिकेत नावचं नाही!
महानुभाव संमेलन मोठ्या उत्साहात साजरे होत असून या कार्यक्रमासाठी आयोजकांनी निमंत्रण पत्रिका देखील छापली आहे. असे असताना सदर निमंत्रण पत्रिकेत मुख्यमंत्री एकनाथ शिंदे यांच्या पासून ते भाजपच्या अनेक नेत्यांची नावे आहेत. तसेच दादा भुसे यांचे देखील नाव आहे. मात्र पत्रिकेत एकनाथ खडसेंचे नावच नसल्याचे आश्चर्य व्यक्त होत आहे. निमंत्रण पत्रिकेत नाव नसताना एकनाथ खडसे मंचावर कसे? असा प्रश्नही उपस्थितांनी व्यक्त केला.
फडणवीस काय बोलणार?
एकीकडे महानुभाव पंथांचे संमेलन असल्याने राजकीय व्यासपीठ नसल्याने उपमुख्यमंत्री देवेंद्र फडणवीस हे नेमके काय बोलतात याकडे लक्ष लागून आहे. दरम्यान सदर महानुभाव संमेलन जाहीर झाल्यापासून फडणवीस हे कार्यक्रमांसाठी येणार हे निश्चित होते. त्यानुसार देवेंद्र फडणवीस हे नाशिकमध्ये आज दुपारी हजर होऊन कार्यक्रमाला उपस्थित झाले आहेत. दरम्यान सुरवातीला झालेल्या दीपप्रज्वलनातही महाजन-फडणवीस हे उभे असताना खडसे मात्र एकाच जागेवर बसून होते, त्यामुळे यात काय गौडबंगाल आहे हे आयोजकांना देखील कोडेच आहे.