Nagpur News : चोर समजून जमावाने तरुणाला मारहाण केल्याची घटना नागपूर (Nagpur) जिल्ह्यातील कामठी शहरात घडली. यामध्ये तरुणाचा मृत्यू झाला आहे. जमावाने तरुणाला मारहाण करत पोलिसांच्या स्वाधीन केले होते. मात्र,पोलीस स्टेशनच्या आवारात तो तरुण अचानक कोसळला आणि त्याचा मृत्यू झाला.
नागपूर जिल्ह्यातील कामठी शहरात फुटाणा ओळीमध्ये ही घटना घडली. एका दुचाकीजवळ उभ्या असलेल्या तरुणाला स्थानिकांनी चोर समजून मारहाण सुरू केली. त्यानंतर त्या तरुणाला पोलिसांच्या स्वाधीन करण्यात आले. मात्र, जुनी कामठी पोलीस स्टेशनमध्ये त्या तरुणाचा मृत्यू झाला. मृत्यू झालेल्या तरुणाचे नाव नासिर ऊर्फ गब्बर होते. कामठी शहरामध्ये गेले काही दिवसापासून दुचाकी चोरीच्या घटनांमध्ये वाढ झाली आहे. त्यामुळं बाजारात एका दुचाकीजवळ उभ्या असलेल्या अनोळखी तरुणाला पाहून काहींनी त्याला चोर समजले होते. त्यानंतर ही घटना घडली.
महत्त्वाच्या बातम्या:
Sangli News : सांगलीत राष्ट्रवादीच्या कार्यकर्त्याची गोळ्या झाडून हत्या, पूर्व वैमनस्यातून हत्या झाल्याचा प्राथमिक अंदाज