मुंबई: नवी मुंबईचे आयुक्त तुकाराम मुंढे यांची तात्काळ बदली होणार नाही अशी माहिती सूत्रांकडून मिळते आहे. काल नवी मुंबई महापालिकेत अविश्वास ठराव पास झाल्यानंतर आज मुंढेंनी थेट मंत्रालय गाठलं. नवी मुंबईत केलेल्या कारवाया आणि कामांबद्दल नगरविकास खात्याकडे अहवाल दिला आणि या अहवालाची एक प्रत मुख्यमंत्री कार्यालयालाही दिली.

दुसरीकडे मुंढेंना हटवण्यासाठी ठाण्याचे पालकमंत्री एकनाथ शिंदेंच्या उपस्थितीत सर्वपक्षीय गटनेत्यांची बैठक झाली. मुख्यमंत्र्यांची भेट घेऊन मुंढेंना हटवण्याची मागणी करणार असल्याचं एकनाथ शिंदेंनी म्हटलं आहे.

संबंधित बातमी – रिझल्ट देणं माझं काम : तुकाराम मुंढे


 

'तर पदावर असेपर्यंत धडाडीनं काम करतच राहणार.' असा निर्धार करत आयुक्त तुकाराम मुंढेंनी पुन्हा एकदा विरोधकांच्या तोंडचं पाणी पळवलं. 'माझा'च्या एक्स्क्लुझिव्ह मुलाखतीत मुंढेंनी निर्धार बोलून दाखवला होता. 'भविष्याच्या दृष्टीनं सकारात्मक बदल हवे असतील तर थोडा तोटा सहन करावाच लागेल.' असं सांगत बेकायदेशीर गोष्टींवर हातोडा चालवणार असल्याचंही मुंढेंनी स्पष्ट केलं.

संबंधित बातम्या

रिझल्ट देणं माझं काम : तुकाराम मुंढे


 

तुकाराम मुंढेंच्या Exclusive मुलाखतीतील 10 मुद्दे