काही दिवसांपूर्वी श्लोकाच्या 'मुंह दिखाई'चं आयोजन करण्यात आलं होतं. यावेळी सासू नीता अंबानी यांनी सुनेला भेट म्हणून हिऱ्याचा हार दिला, ज्याची किंमत तब्बल 300 कोटी रुपये असल्याचं कळतं. खरंतर नीता अंबानी आधी श्लोकाला वारशाने मिळालेला सोन्याचा हार देणार होत्या. पण त्यांना सुनेसाठी खास भेट द्यायची होती. अनेक वस्तू पाहिल्यानंतर त्यांनी श्लोकासाठी हिऱ्यांचा हार पसंत केला.
श्लोकाला जो हार मिळाला आहे, त्यात जगभरातील सर्वात महागडे हिरे आहेत. लेबेंन्स ज्वेलर्सने बनवलेल्या या 'L'Incomparable नेकलेसची किंमत 300 कोटी रुपये आहे. सोशल मीडियावर या हाराची तुफान चर्चा होत आहे. नीता अंबानी यांच्याशिवाय श्लोकाची नणंद म्हणजेच इशा अंबानीने भाऊ आणि वहिनीला एक आलिशान बंगला भेट म्हणून दिला.
आकाश अंबानी आणि श्लोका मेहता यांचा भव्यदिव्य लग्नसोहळा 9 मार्च 2019 रोजी पार पडला होता. त्यांच्या लग्नात उद्योग, राजकीय, चित्रपट यासारख्या विविध क्षेत्रातील मान्यवर उपस्थित होते. शाहरुख खान, रणबीर कपूर, करण जोहर यांच्यासह अनेक बॉलिवूड सेलिब्रेटींनी ठुमके लगावले. अमिताभ बच्चन, आमिर खान, प्रियांका चोप्रा, अभिषेक बच्चन-ऐश्वर्या राय, सचिन तेंडुलकर, झहीर खान यांनी लग्नाला हजेरी लावली होती.
मुकेश अंबानींचे पुत्र आकाश आणि श्लोका मेहताचा भव्य विवाह, सेलिब्रेटींची हजेरी