मुंबई : बांद्रा-कुर्ला कॉम्प्लेक्समध्ये काम सुरु असलेला एका मोठ्या पुलाचा गर्डर कोसळला असून त्यामध्ये जवळपास 21 कामगार जखमी झाल्याची माहिती आहे. ही घटना आज पहाटे चार वाजण्याच्या सुमारास घडली असून जखमींना व्ही.एन. देसाई हॉस्पिटलमध्ये भरती करण्यात आलं आहे. हा MMRDA चा प्रोजेक्ट आहे. या पुलाच्या माध्यमातून SCLR ला बांद्रा-कुर्ला कॉम्प्लेक्सला जोडण्यात येत आहे.(MMRDA bridge in Bandra Kurla complex collapses).
पोलिसांनी दिलेल्या माहितीनुसार, मुंबईचा बीकेसी परिसरात एमएमआरडीएच्या पुलाचं काम सुरु होतं. पहाटे साडेचारच्या सुमारास पुलाचा गर्डर कोसळला. क्रेनच्या सहाय्यानं अत्यंत सावकाश काम सुरू असताना अचानक दाब कमी झाल्यानं ही दुर्घटना घडल्याचं बोललं जातय. त्यावेळी या पुलावर 22 ते 24 कामगार काम करत होते. त्यामध्ये कंत्राटदार जे.पी. इन्फ्राचे दोन अभियंताही सामिल होते. पूल कोसळला त्यावेळी काही कामगारांनी घाबरुन जवळच्या पाण्याच्या टाकीत उडी मारली, तर काहीजण पुलाला असलेल्या सळईला पकडून लटकले. तर या पूल दुर्घटनेत 13 ते 14 जण अडकून जखमी झाले आहेत. जखमींवर जवळच्याच व्ही. एन. देसाई रुग्णालयात उपचार सुरु आहेत.
अंतर्गत चौकशीचे एमएमआरडीएचे आदेशआजच्या दुर्घटनेची अंतर्गत चौकशी करण्याचे आदेश एमएमआडीए प्रशासन दिलेले आहेत. एसव्हिएलआरचे एक्टेन्शन असलेल्या पुलावर ही दूर्घटना घडली आहे. या पुलाचे काम जे. कुमार या कंत्राटदाराकडे देण्यात आलं आहे. या पुलाचे काम 2022 सालापर्यंत होणं अपेक्षीत आहे. पण आजच्या दुर्घटनेमुळे कामाची मुदत थोडी पुढे ढकलली जाऊ शकते..
महत्वाच्या बातम्या :