नवी मुंबई: हार्बर रेल्वेमार्गावरील सीवूड्स स्थानकात धक्कादायक घटना घडली आहे. 30 ते 35 वयोगटातील एका अनोळखी महिलेने सीएसएमटी-पनवेल लोकलमधून (Mumbai Local) प्रवास करताना आपल्या अवघ्या 15 दिवसांच्या तान्ह्या बाळाला सोडून पळ काढल्याची घटना घडली आहे. लोकलमधील दोन तरुणींना मदतीच्या बहाण्यानं बाळ सोपवून ती महिला सीवूड्स स्थानकावरून लोकलमध्ये पसार झाली.(Mumbai Crime News)


महिला लोकलमधून न उतरता पसार


जुईनगरमध्ये राहणारी दिव्या नायडू (वय 19) आणि तिची मैत्रीण भूमिका माने चेंबूरहून घरी जात असताना, सदर महिला सानपाड्यात रेल्वेत चढली. आपणास सीवूड्स स्थानकावर उतरायचे असल्याचे सांगून आपल्याकडे बाळ आणि सामान असल्यानं उतरताना मदत करावी अशी विनंती तिने या दोघींकडे केली. त्या दोघी जुईनगर येथे न उतरता महिलेला मदत म्हणून सीवूड्स स्टेशनला खाली उतरल्या, उतरताना महिलेनं मुलींच्या हातात बाळ दिलं. मात्र महिला लोकलमधून न उतरता पसार झाली. बऱ्याच वेळेपर्यंत वाट पाहूनही ती महिला न परतल्यामुळे, त्यांनी वाशी रेल्वे पोलिसांकडे तक्रार दिली. सदर महिलेविरोधात गुन्हा दाखल करण्यात आला आहे. 


सीसीटीव्ही फुटेजच्या आधारे फरार महिलेला शोधण्याचे प्रयत्न सुरू


बाळ सध्या रुग्णालयाच्या अतिदक्षता विभागात आहे. दरम्यान पोलिसांनी चार पथके तयार केले असून याशिवाय सीसीटीव्ही फुटेजच्या आधारे फरार महिलेला शोधण्याचे प्रयत्न सुरू आहेत. सदर महिला ही खानदेशभर रेल्वे स्थानकावर उतरून निघून गेली असल्याची माहिती समोर आली आहे. बाळाच्या आईविषयी कोणालाही माहिती असल्यास वाशी रेल्वे पोलीस ठाण्याशी संपर्क साधावा, असे आवाहन पोलिसांनी केले आहे.


मदतीचा बहाणा अन् बाळ न घेताच पसार


30 ते 35 वयोगटातील महिलेनं आपल्याकडे बाळ आणि सामान असल्यानं उतरताना मदत करावी अशी विनंती जुईनगरमध्ये राहणारी दिव्या नायडू (वय 19) आणि तिची मैत्रीण भूमिका माने यांच्याकडे केली. त्या दोघी जुईनगर येथे न उतरता महिलेला मदत म्हणून सीवूड्स स्टेशनला खाली उतरल्या, उतरताना महिलेनं मुलींच्या हातात बाळ दिलं. मात्र महिला लोकलमधून न उतरता पसार झाली. बऱ्याच वेळेपर्यंत वाट पाहूनही ती महिला न परतल्यामुळे, त्यांनी वाशी रेल्वे पोलिसांकडे तक्रार दिली. दरम्यान पोलिसांनी चार पथके तयार केले असून याशिवाय सीसीटीव्ही फुटेजच्या आधारे फरार महिलेला शोधण्याचे प्रयत्न सुरू आहेत. सदर महिला ही खानदेशभर रेल्वे स्थानकावर उतरून निघून गेली असल्याची माहिती समोर आली आहे.