MNS Sandeep Deshpande On Shiv Sena : 'अब राजा का बेटा राजा नहीं बनेगा, वही बनेगा जो हकदार होगा', असं म्हणत राज ठाकरे (Raj Thackeray) हेच बाळासाहेबांचे (Balasaheb Thackeray) विचार पुढे घेऊन जाणार असल्याचं मनसे नेते संदीप देशपांडे (sandeep Deshpande) यांनी म्हटलं आहे. देशपांडे यांनी आज सकाळी ट्वीट करत अब राजा का बेटा राजा नहीं बनेगा राजा वही बनेगा जो हकदार होगा असं त्यांनी म्हटलं होतं. हे शेअर करताना त्यांनी राज ठाकरे आणि बाळासाहेब ठाकरे यांचा एक फोटो देखील शेअर केला होता.
यानंतर त्यांच्याशी संवाद साधला असता त्यांनी म्हटलं की, बाळासाहेबांचे विचार आता राज ठाकरे पुढे घेउन जाणार आहेत, बाकी कोणीही नाही. हिंदुत्व, मराठी माणसाचा, विकासाचा विचार असेल तो राज ठाकरे घेउन जात आहेत.
संदीप देशपांडे यांनी उद्धव ठाकरे यांना जोरदार टोला हाणला आहे. राजा का बेटा राजा नही होगा असं म्हणत त्यांनी उद्धव ठाकरेंना चिमटा काढलाय.. बाळासाहेबांचे विचार पुढे नेणाऱ्यालाच जनता समर्थन देईल असं संदीप देशपांडे यांनी म्हटलं आहे.
बाळासाहेब ठाकरे यांच्या विचारावर कोणाची मालकी हक्क नाही. बाळासाहेब ठाकरे यांचे विचार तुम्ही आचरणात आणले का? असा सवाल देखील संदीप देशपांडे यांनी केला.
संदीप देशपांडे यांनी म्हटलं आहे की, बाळासाहेब ठाकरे यांनी ज्याला विरोध केला, त्यांच्यासोबत त्यांनी व्यवहार केला. शिवसेना कार्यकर्त्यांकडून प्रतिज्ञापत्र मागतात यापेक्षा मोठे दुर्दैव नाही, असंही ते म्हणाले. शिवसेनेवर ही वेळ आलीय, त्याचे क्रेडिट उद्धव ठाकरे यांना आहे. केमिकल लोचा कोणाचा झालाय हे स्पष्ट होत आहे, असंही ते म्हणाले.
इतर महत्वाच्या बातम्या
उद्धव ठाकरे स्वतः सूरतला गेले असते तर? ठाकरेंच्या मुलाखतीचा दुसरा धडाकेबाज टीझर जारी
आदित्य ठाकरेंची चौकशी होत असेल त्यात गैर काही असेल तर चौकशी झाली पाहिजे, असंही ते म्हणाले.