आधी मर्सिडीजला धडक, पळून जाताना इतर गाड्याही उडवल्या; वांद्रे-वरळी सी-लिंकवरील अपघात प्रकरणी कार चालकाविरोधात सदोष मनुष्यवधाचा गुन्हा

Mumbai Sea Link Accident: वांद्रे वरळी सी लिंकवरील अपघाता प्रकरणी कारचालकाविरोधात सदोष मनुष्यवथाचा गुन्हा दाखल करण्यात आला आहे. कार चालक मोहम्मद सरफराज शेख विरोधात भादंवि 304 (2) कलमांतर्गत गुन्हा दाखल करण्यात आला आहे.

Bandra Worli Sea Link Accident: मुंबईतील (Mumbai News) वांद्रे-वरळी सी-लिंकवर (Bandra Worli Sea Link) गुरुवारी रात्री झालेल्या अपघाताप्रकरणी (Accident News) कार चालकाविरोधात सदोष मनुष्यवधाचा गुन्हा (Culpable Homicide) दाखल करण्यात आलाय. मोहम्मद सरफराज शेख असं चालकाच नावं आहे. कार रात्री वांद्रे-वरळी सीलिंकवर टोलनाक्याजवळ रांगेत उभ्या असलेल्या गाड्यांना मागून भरधाव वेगात आलेल्या गाडीनं जोरदार धडक दिली. या अपघातात दोन महिलांसह तिघांचा मृत्यू झाला. अपघातात 6 जण जखमी झाले आहेत. त्यापैकी दोघांची परिस्थित चिंताजनक आहे. जखमींना उपचारांसाठी रुग्णालयात दाखल करण्यात आलं आहे. 

वांद्रे वरळी सी लिंकवरील अपघाता प्रकरणी कारचालकाविरोधात सदोष मनुष्यवथाचा गुन्हा दाखल करण्यात आला आहे. कार चालक मोहम्मद सरफराज शेख विरोधात भादंवि 304 (2) कलमांतर्गत गुन्हा दाखल करण्यात आला आहे. अपघातात दोन महिलांसह तिघांचा मृत्यू झाला असून सहाजण जखमी झाले आहेत. यापैकी दोघांची प्रकृती चिंताजनक आहे. 

वांद्रे वरळी सी लिंकवरील टोल नाक्यापासून 200 मीटर अंतरावर इनोव्हा गाडीनं मर्सिडीजला टक्कर दिली होती. त्यानंतर पळून जाण्याच्या प्रयत्नात असताना टोल नाक्यावर थांबलेल्या वाहनांना ईनोव्हानं धडक दिली. ईनोवा गाडीतील तिघांचा मृत्यू झाला आहे. 

नेमकं काय घडलं? 

वरळीहून (Worli) वांद्र्याच्या दिशेनं भरधाव वेगात इनोव्हा कार जात होती. इनोव्हा कारमधून सहा प्रवासी प्रवास करत होते. ही इनोव्हा कार सर्वात आधी सी-लिंकवर मर्सिडीज गाडीला धडकली. त्यानंतर सुसाट वेगानं तिथून निघून गेली. पुढे जाऊन या कारनं वांद्रे सीलिंकवरील टोलनाक्यावर टोल भरत असलेल्या इनोव्हा आणि क्विड गाडीला पाठीमागून जोरदार धडक मारली. इनोव्हा गाडीच्या पाठोपाठ होंडा सिटी कारनंही इनोव्हा गाडीला धडक देत, वांद्रा-वरळी सी लिंकवरील टोल नाका 11 आणि 10 वरुन जाणाऱ्या टॅक्सिला धडक दिली. अचानक झालेल्या विचित्र अपघातामुळे सर्वजण पुरते घाबरले होते. 

वांद्रे वरळी सी लिंकवर झालेल्या विचित्र अपघातानंतर तात्काळ टोलनाक्यावर उपस्थित कर्मचारी आणि पोलिसांच्या मदतीनं सर्व जखमींना जवळच्या रुग्णालयात नेण्यात आलं. तिथे तीन जणांना मृत घोषित करण्यात आलं. अपघातात हनिफ पिर, ,हमाबीबी पिर ,खतीजा हटिया या तिघांचा मृत्यू झाला आहे. तर, असीम सदर, ,हजरा सदर, बीबी सदर, राजश्री दवे, राकेश दवे, अशी जखमींची नावं आहेत. अद्याप सर्व जखमींची नावं कळू शकलेली नाही. सर्व जखमींवर मुंबईतील रुग्णालयांत उपचार सुरू आहेत. दरम्यान, याप्रकरणी पोलीस अधिक तपास करत असून चौकशी सुरू आहे.