Mira Road Bicycle Accident : सायकलवर स्टंट करणे एका तरुणाला चांगलेच महागात पडले आहे. सायकलवर स्टंट करतेवेळी सायकल भिंतीवर आदळल्याने तरुणाचा जागीच मृत्यू झाला आहे. या हृदयद्रावक घटनेचा सीसीटीव्ही फुटेज आता समोर आले आहे. या घटनेने परिसरात एकच खळबळ उडाली आहे. मिरा रोड येथील काशीमीरा लगत घोडबंदर किल्ल्यावर पर्यटणासाठी आलेल्या 16 वर्षीय नीरज यादव (राहणार गीतानगर फेज 3 मीरारोड) असे या सायकलस्वारचे नाव असून तो घोडबंदर किल्ला येथे पर्यटनासाठी आलेला असताना हा प्रकार घडला आहे.
घोडबंदर किल्ला परिसरात 28 तारखेला सकाळी 11 च्या सुमारस नीरज यादव किल्ला फिरायला गेला असता तीव्र उताराच्या रस्त्यावर नीरजचा सायकलवरून ताबा सुटला आणि तो समोरील इमारतीच्या गेटवर जाऊन धडकला. यात त्याच्या डोक्याला जबर दुखापत झाली. दरम्यान परिसरातील नागरिकांनी तात्काळ घटनास्थळी धाव घेतली. मात्र त्याचा जागीच मृत्यू झाला आहे.
घोडबंदर किल्ला पर्यटनासाठी आलेल्या सायकलस्वारचा जागीच मृत्यू
निरज राजेश कुमार यादव हा 28 तारखेला सकाळी 11 च्या सुमारस साईकलींग करण्यासाठी घोडबंदर गाव येथे गेला असता त्याचा तोल गेला आणि तो पडुन त्याच्या डोक्याला गंभीर दुखापत झाली. त्यानंतर परिसरातील नागरिकांनी तात्काळ घटनास्थळी धाव घेत जखमी झालेल्या नीरजला उपचारासाठी डॉ. बाबासाहेब आंबेडकर शासकिय रूग्णालय भाईंदर येथे नेले असता डक्टरांनी त्यास तपासुन दाखल पूर्व मयत घोषित केले, या प्रकरणी काशीगाव पोलिसांनी अकस्मात मृत्यूची नोंद केली आहे. मात्र या हृदयद्रावक घटनेने परिसरात एकच खळबळ उडाली आहे.
इतर महत्वाच्या बातम्या