माजी मंत्री डॉ.परिणय फुके यांच्या वाहनाचा भीषण अपघात, थोडक्यात बचावले

Parinay Phuke Car Accident : सभा आणि गावकऱ्यांशी चर्चा आटोपून रात्री उशिरा ते लाखनी येथे परत येत असताना रात्री दोन वाजताच्या सुमारास साकोलीजवळ त्यांच्या गाडीचा अपघात झाला.

भंडारा :  माजी मंत्री आणि भंडारा- गोंदिया जिल्ह्याचे माजी पालकमंत्री डॉ. परिणय फुके (Parinay Phuke)  यांच्या वाहनाचा भीषण अपगात झालाय. या अपघातात डॉ.परिणय फुके थोडक्यात बचावले असून हा अपघात की घातपात अशी शंका उपस्थित केली जात आहे.  डॉ. परिणय फुके हे मंगळवारी रात्री भंडारा लोकसभा मतदार संघातील महायुतीचे उमेदवार सुनील मेंढे यांच्या प्रचारासाठी अर्जुनी मोरगाव तालुक्यातील बोळदे करडगाव येथे गेले होते. सभा आणि गावकऱ्यांशी चर्चा आटोपून रात्री उशिरा ते लाखनी येथे परत येत असताना रात्री दोन वाजताच्या सुमारास साकोलीजवळ त्यांच्या गाडीचा अपघात झाला.

माजी मंत्री आणि भंडारा- गोंदिया जिल्ह्याचे माजी पालकमंत्री डॉ. परिणय फुके यांच्या वाहनाला बुधवारी (17  एप्रिल) मध्यरात्री राष्ट्रीय महामार्गावर भीषण अपघात झाला. या अपघातातून डॉ. फुके बचावले असून हा अपघात की घातपात अशी शंका घेतली जात आहे. डॉ. परिणय फुके हे मंगळवारी रात्री भंडारा लोकसभा मतदार संघातील महायुतीचे उमेदवार सुनील मेंढे यांच्या प्रचारासाठी अर्जुनी मोरगाव तालुक्यातील बोळदे करडगाव येथे गेले होते. सभा आणि गावकऱ्यांशी चर्चा आटोपून रात्री उशिरा ते लाखनी येथे परत येत असताना रात्री 2 च्या सुमारास साकोली जवळ एक अज्ञात वाहन डॉ. फुके यांच्या वाहनासमोर आले पण त्यांच्या चालकाने समयसूचकता दाखवली. त्यामुळे ही धडक टळली. पण त्यामागे असलेले त्यांच्या ताफ्यातील एक वाहन महामार्गावरील दुभाजकावर आदळले. 

प्रसंगावधान राखल्याने डॉ. फुके भीषण अपघातातून बचावले

या अपघातात गाडीचे प्रचंड नुकसान झाले. वाहनातील सुरक्षा रक्षक आणि इतर सहकाऱ्यांना किरकोळ दुखापत झाली. सबंधित अज्ञात वाहन नंतर पळून गेले. चालकाने प्रसंगावधान राखल्याने डॉ. फुके या भीषण अपघातातून बचावले.  दरम्यान हा अपघात आहे की घातपात अशी शंका व्यक्त केली जात आहे.

नाना पटोलेंच्या वाहनाचा गेल्या आठवड्यात अपघात

गेल्याच आठवड्यात  काँग्रेस (Congress) प्रदेशाध्यक्ष नाना पटोले (Nana Patole) यांच्या गाडीचा भीषण अपघात झाला होता.  नाना पटोले हे  भंडारा शहरालगतच्या भीलवाडा गावाजवळ आले असता, या ठिकाणी मागून येणाऱ्या एका भरधाव ट्रकने त्यांच्या कारला धडक दिली. ही धडक इतकी जोरदार होती की या धडकीने गाडीचे मोठ्याप्रमाणात नुकसान झाले होते. मात्र, सुदैवाने यात नाना पटोलेंना कुठलीही दुखापत झाली नव्हती.  एकाच आठवड्यात दोन वेगवेगळ्या पक्षातील नेत्यांच्या गाडीच्या अपघातानंतर चर्चांन उधाण आले आहे.   

हे ही वाचा :