नागपूर : नागपुरात एका नामांकित जिममधील ट्रेनरने गळफास लावून आत्महत्या केली आहे. तरुणाला आत्महत्येस प्रवृत्त केल्याप्रकरणी महिला पोलिसावर गुन्हा दाखल करण्यात आला आहे.
या तरुणाच्या आत्महत्येमागची धक्कादायक कारणं समोर येत आहेत. आत्महत्या करणाऱ्या 31 वर्षीय प्रकाश जखारची 26 वर्षीय महिला पोलिस सुजी जेम्ससोबत मैत्री होती. मात्र दोन दिवसांपूर्वी दोघांमध्ये वाद झाला होता.
वादानंतर सुजी जेम्सनं एका पुरुष पोलिस कर्मचाऱ्याला सोबत घेऊन जिममध्ये प्रकाश जखारला मारहाण केली. यानंतर नैराश्यात गेलेल्या प्रकाश जखारनं आत्महत्या केल्याचा आरोप त्याच्या कुटुंबीयांनी केला आहे.
या प्रकरणी महिला पोलीस सुजी जेम्स आणि मारहाण करणाऱ्या एका पोलीस कर्मचाऱ्याविरोधात आत्महत्येस प्रवृत्त केल्याचा गुन्हा दाखल झाला आहे. मात्र या प्रकरणात पोलिस आरोपी असल्यानं तपासात चालढकल होत असल्याचा आरोप कुटुंबीयांनी केला आहे.