Tomato Price : 200 रुपये किलोवरून टोमॅटो दोन रुपये किलोवर, शेतकरी हवालदिल

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

07/09/2023 22:53:33

Dahihandi 2023 : मुंबईत 107 गोविंदा जखमी; 14 जण गंभीर, रुग्णालयात उपचार सुरू, आकडा वाढण्याची शक्यता

Dahi Handi 2023 : मुंबईत गोविंदा साजरा करताना थर कोसळून झालेल्या अपघातात 107 गोविंदा जखमी झाले आहेत. रात्री 9 वाजेपर्यंतची आकडेवारी मुंबई महापालिकेने दिली. Read More

07/09/2023 21:03:39

Tomato Price : 200 रुपये किलोवरून टोमॅटो दोन रुपये किलोवर, शेतकरी हवालदिल

Tomato Price : टोमॅटोची आवक वाढल्याने मोठ्या प्रमाणावर दर घसरले आहेत. प्रति किलो दोन रुपयांचा दर मिळत असल्याचे शेतकरी हवालदिल झाला आहे. Read More

07/09/2023 18:15:04

Janmashtami Dahi Handi 2023 : गो...गो...गोविंदा...कुठं आठ तर कुठं 9 थर; मुंबई, ठाण्यात दहीहंडीचा उत्साह

Dahihandi 2023 : आज मुंबई, ठाणे आणि परिसरात दहीहंडीचा उत्साह दिसून आला. बालगोविंदांपासून ते तरुण, वयस्करांनी आजच्या या दहीहंडीत उत्साहाने सहभाग नोंदवला. Read More

07/09/2023 13:51:09

Pune Crime news : हॉटेलवरच चालायचा वेश्याव्यवसाय; पोलिसांनी सापळा रचना अन् थेट छापा टाकला...

हॉटेलच्या नावाखाली चालणाऱ्या वेश्याव्यवसायाचा पोलिसांनी पर्दाफाश केला. गुन्हे शाखेच्या सामाजिक सुरक्षा विभागाने थेट छापा टाकत कारवाई केली आहे. सहा तरुणी आणि काही महिलांची सुटका केली आहे. Read More

07/09/2023 11:17:42

पालघर जिल्ह्यात पहाटेपासून मुसळधार पाऊस, चारोटी पूल पाण्याखाली

पालघर जिल्ह्यात पहाटेपासून मुसळधार पाऊस सुरू होता सध्या पावसाने थोडी उसंत घेतली असली तरी पावसाचा जोर कायम आहे. मुसळधार झालेल्या पावसामुळे चारोटी डहाणू रोडवरील चारोटी पूल पाण्याखाली गेला होता तर उर्से निकने रांनशेत रोडवरील सुसेरी नदीवरील निकणे पुलावरून ही पाणी गेल्याने हा रस्ता वाहतुकीसाठी काही काळ बंद होता

07/09/2023 10:45:34

Teacher Suicide: बीडमधील शिक्षकाची गळफास घेऊन आत्महत्या; पाच जण ब्लॅकमेल करत असल्याचं स्टेटस ठेवून संपवलं जीवन

Beed Teacher Suicide: पाच जण ब्लॅकमेल करत असल्याचं स्टेटस ठेवून बीडमधील शिक्षकाने गळफास घेऊन आत्महत्या केली, या घटनेनंतर परिसरात एकच खळबळ उडाली आहे. Read More

07/09/2023 09:42:39

बीड जिल्ह्यात रिमझिम स्वरूपाचा पाऊस

बीड जिल्ह्यात सर्वदूर अतिशय रिमझिम स्वरूपाचा पाऊस सुरु आहे. 

07/09/2023 09:07:15

Jalgaon: बँकेत काम करणाऱ्या तरुणीचा व्हिडीओ काढणाऱ्याला नागरिकांकडून चोप; पोलिसांत गुन्हा दाखल

Jalgaon: बँकेत काम करणाऱ्या तरुणीचं मोबाईलमध्ये चित्रण करणाऱ्या व्यक्तीला नागरिकांनी चोप देत पोलिसांच्या हवाली केल्याची घटना जळगावमधून समोर आली आहे. Read More

07/09/2023 07:42:00

बुलढाणा जिल्ह्यातील अनेक तालुक्यात रात्रभर हलक्या स्वरुपाचा पाऊस

बुलढाणा जिल्ह्यातील अनेक तालुक्यात रात्रभर हलक्या स्वरूपाचा पाऊस सुरु आहे. या पावसामुळं पिकांना जीवदान मिळाले आहे. मात्र वातावरणात उकाडा कायम आहे.

07/09/2023 07:11:57

पालघर जिल्ह्यात पहाटेपासून विजांच्या कडकडाटासह मुसळधार पावसाला सुरुवात

पालघर जिल्ह्यात पहाटेपासून विजांच्या कडकडाटासह मुसळधार पावसाने हजेरी लावली असून जिल्ह्यातील शेतकरी बागायतदार यांच्या आशा पुन्हा पल्लवीत झाले आहेत. गेल्या पंधरा दिवस पाऊसच नसल्याने जिल्ह्यातील भात शेती संकटात सापडली होती. मात्र आज सुरू झालेला पावसाने ह्या भात पिकाला जीवदान मिळण्याच्या अशा पल्लवीत झाल्या आहेत. त्यामुळे बळीराजा पुन्हा एकदा सुखावला आहे.

पार्श्वभूमी

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

केंद्र सरकारकडून संसदेचे पाच दिवसीय विशेष अधिवेशन बोलवण्यात आले आहे. मोदी सरकारच्या या निर्णयानंतर अनेक तर्कवितर्क लढवले जात आहेत. विशेष म्हणजे 18 ते 22 सप्टेंबर या काळात केंद्र सरकारने संसदेचे हे विशेष अधिवेशन बोलावले आहे. या अधिवेशनात 5 सत्र होणार आहेत.केंद्र सरकारने बोलावलेल्या विशेष अधिवेशनात सरकार एक देश, एक निवडणूक विधेयक आणू शकते अशी माहिती राजकीय वर्तुळात रंगली आहे. गेल्या अनेक वर्षांपासून वन नेशन वन इलेक्शन यावर चर्चा सुरू आहे. सरकार हे विधेयक मंजूर करण्याच्या मानसिकतेत आहे, तर राजकीय पक्ष त्याचा विरोध करत आहेत. 

राज्यात आता अमंली पदार्थ विरोधी टास्क फोर्सची स्थापना

 महाराष्ट्र राज्यात अमंली पदार्थांची विक्री, तस्करी आणि सेवन करण्याचे प्रमाण वाढत असल्याने ड्रग्जला रोखण्यासाठी राज्यात आता अमंली पदार्थ विरोधी टास्क फोर्सची स्थापना करण्यास मान्यता देण्यात आली आहे.पोलीस महासंचालकांचे मार्गदर्शन आणि गुन्हे अन्वेषण विभागाच्या अपर पोलीस महासंचालकांच्या नियंत्रण याचा देखरेखीखाली विशेष पोलीस महानिरीक्षकांच्या अधिपत्याखाली ही टास्क फोर्स काम करेल 

 इंडिया आघाडीच्या बैठकीचा आज दुसरा दिवस

मुंबई मध्ये सुरू असलेल्या इंडिया आघाडीचा आज दुसरा आणि महत्वाचा दिवस आहे.या बैठकीसाठी 28 पक्षांचे 63 प्रतिनिधी म्हणजे नेते मुंबईत उपस्थित आहेत. इंडिया आघाडीतील विविध पक्षांच्या प्रतिनिधींचा ग्रुप फोटोसेशन.. सकाळी 10 ते दुपारी 2 वाजेपर्यंत इंडिया आघाडीतील सर्व पक्षातील प्रतिनिधींची महत्त्वाची बैठक

 महायुतीच्या बैठकीचा दुसरा दिवस

महायुतीच्या आमदार, खासदार आणि पदाधिकाऱ्यांच्या बैठकीचा आज दुसरा दिवस आहे.सकाळी 9 वाजता, एनएससीआय येथे विभागवार बैठकीतून लोकसभा आणि विधानसभा मतदारसंघाचा आढावा घेतला जाणार यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार यावेळी महायुतीच्या पदाधिकाऱ्यांना मार्गदर्शन करतील.

आजपासून मुंबईत दुधाला प्रतिलिटर दोन रुपये जास्तीचे

आजपासून मुंबईत दुधाला प्रतिलिटर दोन रुपये जास्तीचे मोजावे लागणार आहेत. मुंबई दूध उत्पादक संघाने म्हशीच्या दुधाच्या दरात एकाच वेळी दोन रुपयांनी वाढ केली आहे. आजपासून नवीन दर लागू होतील. 85 रुपयांऐवजी आता 87 रुपये लिटरने दूध मिळणार आहे. चारा आणि जनावरांच्या चाऱ्याच्या दरात 20 टक्के वाढ झाल्याने हा निर्णय घेण्यात आला आहे.

आजपासून सर्वसामान्यांच्या आयुष्यावर परिणाम करणारे काही महत्वाचे बदल

देशातील ऑईल आणि गॅस वितरण कंपन्या दर महिन्याच्या पहिल्या दिवशी गॅसच्या किमतींत बदल करतात. अशा परिस्थितीत 1 सप्टेंबरपासून LPG सिलेंडर्सच्या किमतींमध्ये बदल पाहायला मिळणार आहे.तेल कंपन्या दर महिन्याच्या पहिल्या तारखेला हवाई इंधनाच्या (ATF) किमती बदल करतात, त्यामुळे यावेळेस सप्टेंबरच्या पहिल्या तारखेलाही CNG-PNG च्या दरांत बदल केला जाऊ शकतो.

 उपराष्ट्रपती जगदीप धनखर आज मुंबई दौऱ्यावर

उपराष्ट्रपती जगदीप धनखर आज मुंबई दौऱ्यावर आहेत. सकाळी 10 वाजता माझगाव डॉक शिपबिल्डर्स लिमिटेड (MDL) येथे बांधण्यात येत असलेल्या 'महेंद्रगिरी' या युद्धनौकेच्या कार्यान्वित समारंभाला उपस्थित रहाणार आहेत. 'महेंद्रगिरी' ही MDL ने बांधलेली चौथी युद्धनौका आणि भारतीय नौदलाच्या प्रोजेक्ट 17A अंतर्गत सातवी स्टेल्थ फ्रिगेट आहे.