Maharashtra Breaking News LIVE Updates : राज्यातील महत्त्वाच्या घडामोडींचा आढावा एका क्लिकवर...

Maharashtra Breaking News LIVE Updates: राज्यातील विविध घडामोडींसह देशभरातील महत्वाच्या अपडेट्स, एका क्लिकवर...

पार्श्वभूमी

Maharashtra Breaking News LIVE Updates: राज्यातील विविध घडामोडींसह देशभरातील महत्वाच्या अपडेट्स, एका क्लिकवर...आज राज्यभरात रंगपंचमीचा उत्सव साजरा केला जाणार आहे. राज्यातील ठिकठिकाणी लोक होळीचा उत्सव साजरा करण्यासाठी सज्ज झाले आहेत. तसेच, आज चंद्रग्रहण देखील असणार आहे. त्यामुळे आजचा दिवस महत्त्वाचा आहे. त्याचप्रमाणे सतिश भोसले उर्फ खोक्याला पोलिसांनी प्रयागराज येथे पकडलं. त्यानंतर त्याला संभाजीनगर परिसरात आणून आज बीड पोलीस सतिश भोसलेला कोर्टात हजर करणार आहेत.  

14/03/2025 09:58:13

होळीनिमित्त मटणामध्ये भाववाढ, ग्राहकांच्या खिषाला कात्री; मटणाच्या दुकानाबाहेर लांबच लांब रांगा

होळीनिमित्त मटणामध्ये भाव वाढ ग्राहकांच्या खिषाला कात्री... मटणाच्या दुकानाबाहेर लांबच लांब रांगा..

आज धुळवळीचा दिवस त्यात शुक्रवार आल्यामुळे चिकन आणि मटणावर ताव मारणाऱ्या खवय्याने चिकन मटन शॉप च्या बाहेर रांगा लावल्या आहेत. 

ठाण्यातील मखमली परिसरात   चिकन मटन शॉप च्या बाहेर अर्ध्या  किलोमीटरपर्यंतच्या रांगा लागल्या आहेत. 

महत्त्वाचं म्हणजे ग्राहकांची वाढलेली संख्या पाहता सध्या मटणाचा भाव ८४० रुपये किलो झाला आहे 

तरी देखील नागरिक रांगा लावून मटण खरेदी करताना दिसून येत आहेत.

14/03/2025 09:57:23

गेल्या तीन तासांपासून नागपूर , कोलकाताकडे जाणारे प्रवाशी विविध स्थानकात खोळंबले; अनेक एक्सप्रेसही रखडाल्या

Bhusawal : बोदवड येथे धान्याचा ट्रक मुंबई अमरावती सुपरफास्ट एक्सप्रेसमध्ये धडकल्यामुळे रेल्वे यंत्रणा ही विस्कळीत झाली आहे. प्रवाशांना रेल्वे उशिरा असल्याने त्रासाचा सामना करावा लागत आहे. या अपघातामुळे नवजीवन सुपरफास्ट एक्सप्रेस, सुरत पॅसेंजर, हावडा मेल, पुरी सुपरफास्ट, एक्सप्रेस शालिमार एक्सप्रेस,महाराष्ट्र एक्सप्रेस या गाड्या जवळपास दोन ते तीन तासाने उशिराने असून प्रवाशांना त्रास सहन करावा लागत आहे.

14/03/2025 08:53:34

नागपूर मेट्रोच्या सर्व फेऱ्या आज दुपारी 3 पर्यंत बंद; तर परिवहन सेवा देखील दिवसभर बंद

आज धुरवळ असल्याने नागपूर मेट्रो ने आपल्या सर्व फेऱ्या 3 वाजता पर्यंत बंद ठेवल्या आहे 

तर नागपूर महानगर पालिकेची परिवहन सेवा देखील दिवसभर बंद असणार आहे.

त्यामुळे नागपूरकरांना याचा फटका बसत असून खाजगी वाहतूक सेवेवर अवलंबून राहावे लागत आहे.

14/03/2025 08:24:14

Beed: खोक्याच्या ग्लास हाऊसवर कारवाई, अज्ञातांकडून परिसर पेटविण्याचा प्रयत्न; जनावरांचा चाऱ्यासह काही पशूंचा मृत्यू

बीड : सतीश भोसले उर्फ खोक्या याच्या ग्लास हाऊसवर वनविभागाने कारवाई केली. ही कारवाई झाल्या नंतर रात्रीच्या सुमारास अज्ञातांनी परिसर पेटविण्याचा प्रयत्न केला. या आगीत जनावरांसाठी ठेवण्यात आलेला चारा जळून नष्ट झाला. तर काही  पशूंचा मृत्यू झाला. ही आग नेमकी कोणी लावली याची माहिती अद्याप मिळालेली नाही. 

14/03/2025 08:08:40

मोठी बातमी! वन विभागाने पाडलेल्या सतीश भोसले उर्फ खोक्याच्या घराची अज्ञाताने केली होळी

- वन विभागाने पाडलेल्या सतीश उर्फ खोक्याच्या घराची अज्ञाताने केली होळी.

- आजच वन विभाग काढलं होतं अतिक्रमण.

- अतिक्रमणात काढलेलं घर अज्ञाताने दिल फुकून.

- घटनास्थळावर पोलीस दाखल.

14/03/2025 08:06:59

Kolhapur: कोल्हापुरातल्या अकबर मोहल्ला येथे फटाक्याच्या गोडाऊनला आग; तीन तासानंतर आग आटोक्यात

कोल्हापुरातल्या अकबर मोहल्ला येथे फटाक्याच्या गोडाऊनला आग

पहाटे चार वाजता लागलेली आग अग्निशमन दलाने विझवली

फटाक्याची गोडाऊन असल्याने आग विझवण्यासाठी जवळपास तीन तास लागले

14/03/2025 08:05:29

Bodwad : ट्रक आणि अमरावती एक्सप्रेसचा अपघात; नागपूर भुसावळ रेल्वे वाहतूक दोन्ही बाजूने ठप्प

बोदवड जवळ झालेल्या ट्रक आणि अमरावती एक्सप्रेसच्या अपघातामुळे नागपूर भुसावळ रेल्वे वाहतूक दोन्ही बाजूने ठप्प.

अनेक प्रवासी गाड्या मलकापूर ,नांदुरा, शेगाव, अकोला स्थानकात अडकल्या.

सणासुदीच्या दिवशी रेल्वे प्रवाशांचे हाल.