Mumbai-Pune Railway | मुंबई-पुणे मार्गावर मालगाडी घसरल्याने वाहतुकीचा खोळंबा, अनेक गाड्या रद्द
शुक्रवारी देखील याच मार्गावर मालगाडीचे इंजिन घसरले होते. घटनेनंतर डाऊन मार्गावरील वाहतूक सुरु करायला तब्बल 24 तासांपेक्षा अधिकचा वेळ लागला होता.
पुणे : मुंबई-पुणे रेल्वे मार्गावर लोणावळा घाटात मालगाडी रुळावरुन घसरल्याने वाहतुकीचा पुन्हा खोळंबा झाला आहे. पुण्याकडे जाणारी वाहतूक ठप्प झाली आहे, तर मुंबईकडे येणाऱ्या वाहतुकीवर मोठा परिणाम झाला आहे. अनेक गाड्या रद्द करण्यात आल्या आहेत. मालगाडीचे पाच ते सहा डबे घसरल्याची माहिती मिळत आहे. त्यामुळे कामानिमित्त पुण्याकडे जाणाऱ्या प्रवाशांना मोठ्या त्रासाला सामोरं जावं लागत आहे.
मुंबई-पुणे मार्गावरील जामरुंग आणि ठाकूरवाडी रेल्वे स्थानकादरम्यान पहाटे 4.30 च्या दरम्यान ही घटना घडली आहे. यामुळे डाऊन आणि मिडल लाईनवरील वाहतूक बंद झाली आहे. तर अप लाईन म्हणजे मुंबईकडे जाणारी वाहतूक सुरु आहे. मालगाडीचे डबे घसल्याने सुदैवाने मोठी दुर्घटना टळली आहे.
शुक्रवारी देखील याच मार्गावर मालगाडीचे इंजिन घसरले होते. घटनेनंतर डाऊन मार्गावरील वाहतूक सुरु करायला तब्बल 24 तासांपेक्षा अधिकचा वेळ लागला होता. अतिवृष्टीमुळे घडलेल्या या घटनेनंतर रेल्वे प्रशासनावर 29 आणि 30 जूनला येणाऱ्या आणि जाणाऱ्या प्रगती, सिंहगड या एक्सप्रेस तर पुणे-पनवेल-पुणे ही पॅसेंजर रद्द करण्याची वेळ आली होती. तसेच पुणे-भुसावळ ही दौंडमार्गे वळवण्यात आली होती.
आजच्या घटनेनंतर ही पुण्याच्या दिशेने धावणाऱ्या लांब पल्ल्याच्या गाड्यांवर परिणाम झाला आहे. प्रवाशांच्या सोईसाठी अधिकच्या बसेस पुण्याच्या दिशेने पाठवण्याचं रेल्वे प्रशासनाने आवाहन केलं आहे.
मुंबई-पुणे मार्गावरील रद्द एक्स्प्रेस- सीएसएमटी-पुणे इंद्रायणी एक्स्प्रेस
- सीएसएमटी-पुणे इंटरसिटी एक्स्प्रेस
- सीएसएमटी-पुणे डेक्कन एक्स्प्रेस
- सीएसएमटी-कोल्हापूर कोयना एक्स्प्रेस (मुंबई-पुणेदरम्यान रद्द)
- भुसावळ-पुणे एक्स्प्रेस (नाशिक रोड स्टेशन स्थानकात थांबवली)
- पुणे-भुसावळ एक्स्प्रेस
- पुणे-पनवेल पॅसेंजर
- पुणे-सीएसएमटी डेक्कन क्वीन
- पुणे-सीएसएमटी प्रगती एक्स्प्रेस
- सीएसएमटी-बंगळुरु उद्यान एक्सप्रेस
- कल्याण-इगतपुरी-मनमाड एक्स्प्रेस
- अहमदाबाद-पुणे दुरांत एक्स्प्रेस
- इंदूर-पुणे एक्स्प्रेस
- हुजूर साहिब - (पनवेल न जाता पुण्यात थांबवली)
- भुसावळ - पुणे (नाशिक मध्ये थांबली)
- हमसफर एक्सप्रेस - (पनवेलमध्ये थांबली)
महत्त्वाच्या बातम्या
ट्रेंडिंग न्यूज
