13 वर्षीय संध्या सोनकांबळे असं आत्महत्या केलेल्या विद्यार्थिनीचं नाव असून, नांदेडच्या शिवाजी नगर पोलीस ठाण्याच्या हद्दीत ही धक्कादायक घटना घडली.
संध्या सोनकांबळे ही विद्यावर्धिनी शाळेची विद्यार्थिनी होती. आठवीच्या वर्गात शिकणारी संध्या काल शाळेत गणवेश घालून गेली नाही. त्यामुळं वर्गशिक्षिका मनिषा पिंगळकर यांनी संध्याला वर्गातून बाहेर काढलं. हा अपमान जिव्हारी लागल्यामुळं संध्यानं गळफास लावून आत्महत्या केली.
या प्रकरणी संध्याच्या कुटुंबीयांनी शिक्षिका पिंगळकरविरोधात पोलीस ठाण्यात तक्रार दाखल केली आहे. पोलिसांनी गुन्हा दाखल केला असून ते या प्रकरणाचा अधिक तपास करत आहेत.