Thane Crime News : एक्स बॉयफ्रेंडने तरूणीसोबत विकृत कृत्य केल्याची घटना समोर आली आहे. ब्रेकअप केल्यानंतर वर्षभराने संशयीत तरूणाने पीडितेला लॉजवर बोलावून तिच्यासोबत विकृत कृत्य केल्याची तक्रार तरूणीने दिली आहे. तरुणीच्या तक्रारीवरुन संशयीत आरोपीविरोधात काशी मीरा पोलिस ठाण्यात गुन्हा दाखल केला आहे. घटनेनंतर संशयीत तरुण फरार असून काशी मीरा पोलिस त्याचा शोध घेत आहेत. ठाण्यातील (Thane News) या भयानक घटनेने एकच खळबळ उडाली आहे.
याबाबत पोलिसांकडून मिळालेल्या माहितीनुसार, पीडित तरूणी ही 21 वर्षांची असून संशयीत आरोपी 22 वर्षांचा आहे. दोघेही ठाण्यातच राहतात. गेल्या काही वर्षांमध्ये या दोघांचे प्रेमसंबंध होते. एक वर्षापूर्वी त्यांचे प्रेमसंबध तुटले आणि हा तरूण कोलकात्ता येथे निघून गेला. काही दिवसांपूर्वी तो परत आला आणि तरुणीला आपल्याकडे अश्लील छायाचित्रे असल्याचे सांगून ब्लॅकमेल केले. त्यानंतर तिला लॉजवर भेटायला बोलावले.
अश्लील छायाचित्रे व्हायरल करण्याची धमकी दिल्याने घाबरलेली तरूणी संशयीताने सांगितलेल्या काशी मीरा येथील एका लॉजवर आली. यावेळी तिला बेल्टने, लाथा बुक्यांनी आणि बुटांनी अमानुष मारहाण केली. त्यानंतर त्याने त्या तरुणीला पूर्ण नग्न करुन आपली थुंकी चाटण्यास भाग पाडले. याचा व्हीडीओ देखील बनवला. त्यानंतर त्याने तरूणीसोबत जबरदस्तीने अनैसर्गिक शरीर संबध प्रस्थापित केले. 'तू कुणासोबतही लग्न केले तरी माझ्यासोबत रिलेशनमध्ये राहिली नाही तर रुममधील काढलेला व्हिडीओ व्हाररल करेन' अशी धमकी दिली.
या संपूर्ण प्रकरणानंतर पीडित तरुणीने काशी मीरा पोलिस ठाण्यात तरूणाविरोधात तक्रार दाखल केली. तिच्या तक्रारीवरून पोलिसांनी आरोपी विरोधात बलात्कार, अनैसर्गिक कृत्य, मारहाण यासह विविध कलमांअंतर्गत गुन्हा दाखल केला आहे. आरोपी तरूण फरार असून त्याचा आम्ही शोध घेत आहोत अशी माहिती वरिष्ठ पोलिस निरीक्षक संदीप कदम यांनी दिली आहे.
दरम्यान, या घटनेने ठाण्यासह परिसरात एकच खळबळ उडाली आहे. जिच्यावर प्रेम केलं तिच्यासोबतच एवढा विकृतपणा केल्याने संताप व्यक्त करण्यात येतोय. संशयीत आरोपीवर कठोरातील कठोर कारवाई करण्यात यावी अशी मागणी पीडित तरूणीने केली आहे. पोलिस या घटनेचा पुढील तपास करत आहेत. फरार आरोपी लवकरच पकडला जाईल असे पोलिसांनी सांगितले आहे.
महत्वाच्या बातम्या