बुलडाणा : कोरोनाचे नियम न पाळल्यास काय होऊ शकतं, याचं मोठं उदाहरण बुलडाणा जिल्ह्यात समोर आलं आहे. बुलडाण्यातील जळगाव जामोद तालुक्यातील झाडेगाव या छोट्याशा गावात 155 जणांना कोरोनाची लागण झाल्याची धक्कादायक माहिती समोर आली आहे. काही दिवासांपूर्वी गावात सात दिवासांच्या धार्मिक कार्यक्रमाचं गावकऱ्यांनी आयोजन केलं होतं. या कार्यक्रमातून कोरोनाचा संसर्ग झाल्याचा संशय व्यक्त केला जात आहे.
या कार्यक्रमाला गावकऱ्यांसहित बाहेरगावहून काही मंडळी सामिल झाली होती. मात्र कोरोनाचे कोणतेही नियम न पाळल्यामुळे गावात संसर्ग पसरला आणि बघता बघता छोट्याशा गावात 155 जणांना कोरोना झाला. आता गावाला प्रतिबंधित गाव म्हणून घोषित करण्यात आलं असून, गावात आरोग्य पथक, महसूल व पोलिस कर्मचाऱ्यांची धावाधाव सुरु झाली आहे. गावातील प्रत्येकाची टेस्ट करण्यात येत आहे.
गावाची लोकसंख्या जेमतेम दोन हजारांच्या जवळपास आहे. त्यामुळे आता अजून किती जणांचे रिपोर्ट पॉझिटिव्ह येतात हे काही दिवसात स्पष्ट होईल. मात्र नागरिकांनी कोरोना गेला असं समजून काळजी न घेतल्याने अख्ख गावच संकटात सापडलं आहे.
Coronavirus | जीनोम सिक्वेन्सिंग चाचण्या करत राहाव्या लागणार!
बुलढाणा जिल्हातील कोरोनाची सद्यस्थिती
जिल्ह्यात काल 416 नवीन कोरोनाबाधित आढळले आहेत. त्यामुळे जिल्हा प्रशासनाकडून आता अधिक कड़क निर्बंध लावण्यात येत आहेत. झपाट्याने वाढत असलेल्या कोरोनाला नियंत्रित करण्यासाठी जिल्ह्याधिकाऱ्यांनी नवीन आदेश काढून जिल्ह्यातील उर्वरित 6 नगर परिषद आणि 2 नगर पंचायत क्षेत्र प्रतिबंधित क्षेत्र म्हणून घोषित केले आहेत. तसेच पाच नगर परिषद क्षेत्रात कंटेन्मेंट झोन घोषित केला आहे. लोणार, सिंदखेड राजा, मेहकर, शेगाव, जळगाव जामोद ,नांदुरा या नगर परिषद व मोताळा व संग्रामपूर या नगर पंचायत क्षेत्रातही कंटेन्मेंट झोन लागू केलाय. त्यामुळे जिल्ह्यातील सर्वच शहरी भाग हा प्रतिबंधित क्षेत्र म्हणून घोषित झाला आहे. याशिवाय देशभरात प्रसिद्ध नसलेली सैलानी बाबा यात्रा देखील प्रशासनाने आदेश काढून रद्द केली आहे.
महत्त्वाच्या इतर बातम्या :