लखनौ : अयोध्येतील राममंदिर भूमिपूजनाला उपस्थित राहणाऱ्या मान्यवरांच्या यादीत काही बदल करण्यात आले आहे. सुरुवातीला तयार करण्यात आलेल्या यादीत 200 नावांचा समावेश होता. आता यादीतील 30 नावं कमी करण्यात आली आहेत. आता 170 जणांनी नवी यादी तयार करण्यात आल्याची माहिती सूत्रांकडून मिळत आहे.
भाजपचे ज्येष्ठ नेते लालकृष्ण अडवाणी आणि मुरली मनोहर जोशी यांची नावं आता पाहुण्यांच्या यादीत नाहीत. या दोन्ही नेत्यांना कार्यक्रमाला येण्यास असमर्थता दर्शवली आहे. त्यामुळे त्यांची नावं यादीतून हटवण्यात आली आहेत, अशी माहिती सूत्रांकडून मिळत आहे. राम मंदिर आंदोलनाशी जोडलेले नेते उमा भारती आणि कल्याण सिंह यांची नावं पाहुण्यांच्या यादीत आहेत.
Ram Mandir | राममंदिर भूमिपूजनाला योगी आदित्यनाथ वगळता एकाही मुख्यमंत्र्याला निमंत्रण नाही
सरसंघचालक मोहन भागवत यांच्यासह संघाशी जोडलेल्या 10 जणांना या कार्यक्रमाचं निमंत्रण देण्यात आलं आहे. यामध्ये भैयाजी जोशी, दत्तात्रय होसबोले, कृष्ण गोपाल, अनिल ओक, लखनौचे प्रचारक अनिल कुमार यांनाही निमंत्रण देण्यात आलं आहे. याशिवाय विश्व हिंदू परिषदेचे अलोक कुमार, दिनेश चंद्र आणि मिलिंद यांच्यासह सहा जणांना निमंत्रण आहे.
राम मंदिर निर्माणासाठी महाराष्ट्रातून पहिली वीट कोणी पाठवली?
याआधी तयार करण्यात आलेल्या यादीत अयोध्येच्या पाच आमदारांना या कार्यक्रमाचं निमंत्रण मिळालं होतं. मात्र आता केवळ अयोध्या शहराचे आमदार आणि महापौर यांना निमंत्रण देण्यात आलं आहे. अयोध्येतील 52 संतांनाही या कार्यक्रमाचं निमंत्रण आहे.
यादीतील काही संतांची नावं
भाषकर गिरी, अहमदनगर
प्रणव पंड्या
रामानन्दाचार्य
संतोषी माता
हरिहरानंद, अमरकण्टक
शंभुनाथ महाराज, अहमदाबाद
युधिष्ठिर लाल महाराज महाराज, रायपूर
बालकानंद गिरी, हरिद्वार
अमृतानंदमयी, केरळ
जत्थेदार इकबाल सिंह, पाटना
विजयकौशल जी महाराज
रामविलास वेदांती
रामशरण जी महाराज
जत्थेदार हरप्रीत सिंह, अमृतसर
जत्थेदार लखा सिंह, अमृतसर
निर्मल दास, जालंधर
दिगंबर गिरी, जबलपूर
प्रेम गिरी, हरिद्वार
हरि गिरी, हरिद्वार
रामदेव, हरिद्वार
नरेन्द्र गिरी, प्रयागराज
रवीन्द्र पुरी, हरिद्वार
इक़बाल अंसारी, अयोध्या
सोमपुरा परिवार, गुजरात
किशोर कुणाल, पाटना
पूर्णिमा कोठारी, कोलकाता
वासुदेव गुप्ता, अयोध्या