दहशतवाद्याकडे सापडलेल्या आधार कार्डवर अब्दुल रहमान या दहशदवाद्याचा फोटो आहे, मात्र नाव नाही. अब्दुल रहमानला बनावट आधार कार्ड कसा मिळाला, याची चौकशी पोलिसांनी सुरु केली आहे. अब्दुल रहमान पाकव्याप्त काश्मीरमधील पुँछ भागातील रहिवाशी आहे.
दहशतवादी अब्दुल रहमानला शुक्रवारी संध्याकाळी बारामूलाच्या बाजीबलमधून पोलिसांनी ताब्यात घेतलं. अब्दुल रहमान जैश-ए-मोहम्मद या दहशदवादी संघटनेशी संबंधित असल्याची माहिती मिळते आहे.
सूत्रांच्या माहितीनुसार, पठाणकोट हल्ल्यामध्येही अब्दुल रहमानचा सहभाग होता. पोलीस या सर्व बाबींची सखोल चौकशी करत आहेत.