रशिया-युक्रेन युद्धामुळे आंतरराष्ट्रीय बाजारात कच्च्या तेलाच्या दराने उच्चांक गाठला आहे. त्यामुळे भारतात इंधन दरवाढीची टांगती तलवार आहे. येत्या दोन दिवसानंतर पाच राज्यातील विधानसभा निवडणुकांचे मतदान संपणार आहे. त्यानंतर इंधन दरवाढ होणार असल्याची चर्चा सुरू आहे. देशभरात नोव्हेंबर महिन्यापासून इंधन दर स्थिर आहेत. त्यामुळे आता इंधन कंपन्या दरवाढीमुळे निर्माण झालेली तूट भरण्यासाठी प्रयत्न करणार आहेत.


आंतरराष्ट्रीय बाजारात ब्रेंट क्रूड ऑइलची किंमत 118 डॉलर प्रति बॅरल झाली होती. अमेरिका आणि अन्य देशांनी राखीव तेल साठ्यातून कच्च्या तेलाचा वापर करण्याचा निर्णय घेतला आहे. तरीदेखील आंतरराष्ट्रीय बाजारात कच्च्या तेलाचा दर उच्चांक गाठत आहे. 


राज्यात इंधन दर काय?


महाराष्ट्रात एक लिटर पेट्रोलचे दर 100 रुपयांहून अधिक आहेत. भारतीय पेट्रोलियम वितरण कंपनी इंडियन ऑइल कॉर्पोरेशनने (IOCL) आजचे नवे दर जारी केले आहेत. जाणून घ्या राज्यातील प्रमुख शहरातील इंधन दर 


प्रमुख शहरं   पेट्रोलची किंमत प्रति लिटर     डिझेलची किंमत प्रति लिटर
मुंबई           109.98 रुपये प्रति लिटर        94.14 रुपये प्रति लिटर
ठाणे            110.12 रुपये प्रति लिटर       94.28  रुपये प्रति लिटर
पुणे            109.72 रुपये प्रति लिटर        92.50 रुपये प्रति लिटर
नाशिक       109.79 रुपये प्रति लिटर       92.57 रुपये प्रति लिटर
नागपूर       109.96 रुपये प्रति लिटर        92.77 रुपये प्रति लिटर
कोल्हापूर    110.17 रुपये प्रति लिटर       92.97 रुपये प्रति लिटर
अहमदनगर 109.55  रुपये प्रति लिटर      92.35 रुपये प्रति लिटर
अमरावती     111.55 रुपये प्रति लिटर    95.74 रुपये प्रति लिटर



देशात चार महानगरांतील पेट्रोल-डिझेलचे दर काय? 


दिल्लीत पेट्रोल 95.41 रुपये आणि डिझेल 86.67 रुपये प्रति लिटर
मुंबईत पेट्रोल 109.98 रुपये आणि डिझेल 94.14 रुपये प्रति लिटर
चेन्नईत पेट्रोल 101.40 रुपये आणि डिझेल 91.43 रुपये प्रति लिटर
कोलकाता पेट्रोल 104.67 रुपये आणि डिझेल 89.79 रुपये प्रति लिटर 


पेट्रोल आणि डिझेलचे दर (Petrol Diesel Price ) कुठे आणि कसे पाहाल?


इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.


इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.


पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).