Petrol-Diesel Price Today 4th August 2022 : देशात आजही पेट्रोल-डिझेलच्या (Petrol-Diesel Price) किमतींमध्ये कोणताही बदल करण्यात आलेला नाही. सलग 74 दिवसांपासून महाराष्ट्र वगळता देशात पेट्रोल (Petrol) -डिझेलच्या किमती स्थिर आहेत. आंतरराष्ट्रीय बाजारात कच्च्या तेलाच्या किमती 100 डॉलर प्रति बॅरल खाली घसरल्या आहेत. पण तरीही देशांतर्गत बाजारात मात्र पेट्रोल-डिझेलच्या किमतींमध्ये कोणतीही घट अथवा वाढ करण्यात आलेली नाही.
आंतरराष्ट्रीय बाजारात कच्च्या तेलाचे दर
जर आपण कच्च्या तेलाच्या (Crude Oil) किमती पाहिल्या तर आज WTI क्रूड प्रति बॅरल 90.81 डॉलर आणि ब्रेंट क्रूड प्रति बॅरल 96.90 डॉलरवर व्यापार करत आहे. आंतरराष्ट्रीय बाजारात कच्च्या तेलाच्या स्वस्त दरामुळे येत्या काही दिवसांत देशातील इंधनाच्या दरात घट होण्याची शक्यता आहे.
इंडियन ऑइल कॉर्पोरेशन (IOCL) च्या अधिकृत वेबसाइट iocl.com नं जारी केलेल्या दरांनुसार, आज देशातील पेट्रोल-डिझेलच्या किमतींमध्ये कोणतीही वाढ अथवा घट केलेली नाही. नव्या पेट्रोल-डिझेलच्या दरांनुसार, आजही देशातील पेट्रोल-डिझेलच्या किमती स्थिर आहेत. देशाची आर्थिक राजधानी असणाऱ्या मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दरानं विकलं जात आहे. तर देशातील राजधानीचं शहर असणाऱ्या दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर दरानं विकलं जात आहे.
महाराष्ट्रातील इतर शहरांतील पेट्रोल-डिझेलचे दर
| शहर | पेट्रोलच्या किमती | डिझेलच्या किमती |
| मुंबई | 106.25 | 94.22 |
| पुणे | 105 | 92 |
| नागपूर | 106.03 | 92.58 |
| नाशिक | 106.74 | 93.23 |
| हिंगोली | 107.29 | 93.80 |
| परभणी | 108.92 | 95.30 |
| धुळे | 106.05 | 92.58 |
| नांदेड | 108.24 | 94.71 |
| रायगड | 105.96 | 92.47 |
| अकोला | 106.05 | 92.55 |
| वर्धा | 106.56 | 93.10 |
| नंदुरबार | 106.99 | 93.45 |
| वाशिम | 106. 37 | 93.37 |
| चंद्रपूर | 106.14 | 92.70 |
| सांगली | 105.96 | 92.54 |
| जालना | 107.76 | 94.22 |
पेट्रोल-डिझेलपाठोपाठ CNG ही महागणार
आधीच वाढत्या महागाईने पिचलेल्या सर्वसामान्यांना आणखी एक झटका बसला असून महानगर गॅस लिमिटेडने सीएनजी आणि पीएनजीच्या किंमतीत वाढ केली आहे. महानगर गॅस लिमिटेडनं जारी केलेल्या नव्या दरांनुसार, आता ग्राहकांना सीएनजी 86 रुपये प्रति किलोने तर पीएनजी 52.50 रुपयांने खरेदी करावा लागेल. देशांतर्गत गॅसच्या वाढलेल्या किमतीचा परिणाम एमजीएच्या उत्पादन किमतीवर होत असून, त्यामुळे सीएनजी आणि पीएनजीच्या किमतीमध्ये वाढ करण्याचा निर्णय घेण्यात आला आहे असं महानगर गॅस लिमिटेडने आपल्या निवेदनात म्हटलं आहे. महानगर गॅस लिमिटेड ( MGL) ही मुंबईत सीएनजी आणि पीएनची पुरवठादार कंपनी म्हणून कार्यरत आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).