Petrol-Diesel Price Today 24 May 2022 : भारतीय तेल कंपन्यांनी पेट्रोल-डिझेलचे (Petrol-Diesel) नवे दर जाहीर केले आहेत. दरम्यान, मंगळवारी 24 मे रोजी इंधन दरांमध्ये कोणताही बदल करण्यात आलेला नाही. 21 मे रोजी केंद्र सरकारनं पेट्रोल-डिझेलवरील उत्पादन शुल्क कमी केलं होतं. त्यानंतर देशात पेट्रोल-डिझेलच्या किमतींमध्ये घट झाल्याचं पाहायला मिळाली होती. केंद्र सरकारनं पेट्रोलवर 8 रुपये आणि डिझेलवर 6 रुपयांचं उत्पादन शुल्क कमी केलं होतं. त्यानंतर देशात पेट्रोलच्या किमती 9.50 रुपये आणि डिझेलच्या किमती 7 रुपयांनी स्वस्त करण्यात आल्या होत्या. तेव्हापासून देशातील पेट्रोल-डिझेलच्या किमती स्थिर आहेत.
केंद्र सरकारपाठोपाठ महाराष्ट्र सरकारनंही जनतेला दिलासा दिला. राज्यात पेट्रोल आणि डिझेलवरील व्हॅट कमी करण्याचा निर्णय राज्य सरकारच्या वतीनं घेण्यात आला. राज्य सरकारनं पेट्रोल-डिझेलवरील व्हॅटमध्ये अनुक्रमे 2 रुपये 8 पैसे आणि 1 रुपये 44 पैसे प्रति लिटर कपात केली आहे.
मुंबईत पेट्रोल-डिझेलची किंमत काय?
व्हॅट कमी करण्याच्या महाराष्ट्र सरकारच्या निर्णयाची अंमलबजावणी झाल्यानंतर मुंबईत पेट्रोल 109 रुपये 27 पैसे प्रतिलिटर दरानं उपलब्ध झालं आहे. पेट्रोल प्रतिलिटर 2 रुपये 8 पैसे कमी करण्याचा निर्णय सरकारनं घेतला आहे. याशिवाय सरकारनं डिझेलवर 1 रुपये 44 पैसे कमी करण्याचा निर्णय घेतला असून, त्यामुळे मुंबईत डिझेल प्रति लिटर 95 रुपये 84 पैसे मिळणार आहे.
दिल्लीतील दर काय?
देशाची राजधानी दिल्लीत पेट्रोल आणि डिझेलच्या नवीन किमती मंगळवार, 24 मे रोजी सकाळी 6 वाजल्यापासून लागू झाल्या आहेत. मात्र, आज इंधन दरात कोणताही बदल झालेला नाही. यासह, दिल्लीत 1 लिटर पेट्रोलची नवीनतम किंमत 96.72 रुपये आणि 1 लिटर डिझेलची किंमत 89.62 रुपये आहे.
राज्यातील इतर शहरांतील दर काय?
महाराष्ट्राच्या राजधानीचं शहर असणाऱ्या मुंबई शहरात मंगळवारी पेट्रोलचा दर 111.35 रुपये प्रति लिटर आणि डिझेलचा दर 97.28 रुपये प्रति लिटर इतका आहे. त्यावेळी, बृहन्मुंबईमध्ये, पेट्रोलचा दर प्रति लिटर 111.53 रुपये आणि डिझेलचा दर 97.45 रुपये प्रति लिटर आहे. आज पुण्यात पेट्रोलचा दर प्रति लिटर 111.43 रुपये तर डिझेलचा दर 95.90 रुपये प्रति लिटर आहे. नाशिकमध्ये पेट्रोलचा दर प्रति लिटर 111.04 रुपये, तर डिझेलचा दर 95.52 रुपये प्रति लिटर आहे. नागपुरात पेट्रोलचा दर प्रति लिटर 111.08 रुपये तर डिझेलचा दर 95.59 रुपये प्रति लिटर आहे. कोल्हापुरात पेट्रोलचा दर प्रति लिटर 111.87 रुपये तर डिझेलचा दर 96.35 रुपये आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).