Petrol Diesel Price in 15 October 2022 : आंतरराष्ट्रीय बाजारात कच्च्या तेलाच्या किमतीत मोठी घसरण झाल्याचं पाहायला मिळत आहे. अशा परिस्थितीत देशातील सर्वसामान्य जनतेला या घसरणीचा फायदा होणार का? हा सर्वात मोठा प्रश्न सध्या चर्चेत आहे. आज सकाळी 6 वाजता देशातील सरकारी मालकीच्या तेल कंपन्यांनी हिंदुस्थान पेट्रोलियम (Hindustan Petroleum), भारत पेट्रोलियम (Bharat Petroleum) आणि इंडियन ऑईलनं (Indian Oil) त्यांच्या पेट्रोल आणि डिझेलचे दर जाहीर केले आहेत. आजच्या किमतींत फारसा बदल झालेला नाही, हे लक्षात घेण्यासारखं आहे. आज 15 ऑक्टोबर 2022 रोजी पेट्रोल-डिझेलच्या किमती (Petrol-Diesel Price Today 15 October 2022) देशाच्या चार महानगरांमध्ये स्थिर आहेत. मात्र आज राज्यांमध्ये पेट्रोल-डिझेलच्या दरांत काही बदल दिसून आले आहेत.
कच्च्या तेलाच्या किमती
आंतरराष्ट्रीय बाजारात कच्च्या तेलाच्या किमतींत मोठी घसरण झाली आहे. जागतिक तेल बेंचमार्क ब्रेंट क्रूडच्या किंमतीत घसरण झाल्यानंतर, ते प्रति बॅरल 91.63 डॉलरवर कायम आहे. तसेच, डब्ल्यूटीआय क्रूडच्या घसरणीनंतर, ते प्रति बॅरल 85.61 डॉलर्सच्या किमतीवर कायम आहे. कच्च्या तेलाच्या किमती घसरल्यानं आगामी काळात लोकांना पेट्रोल आणि डिझेलच्या दरांत दिलासा मिळण्याची शक्यता वर्तवली जात आहे.
'या' राज्यांमध्ये पेट्रोल आणि डिझेलच्या किमतीत बदल
हिमाचल प्रदेशमध्ये पेट्रोलच्या दरांत 0.87 रुपयांनी वाढ झाली असून आता त्याची किंमत 95.93 रुपये प्रति लिटरवर पोहोचली आहे. तर डिझेलच्या दरात 0.74 रुपयांनी वाढ होऊन प्रति लिटर दर आता 82.15 रुपयांवर पोहोचले आहेत. तर जम्मू-काश्मीरमध्ये पेट्रोलच्या किमतींत 0.44 रुपये आणि डिझेलच्या दरांत 0.41 रुपयांनी वाढ झाली आहे. त्यानंतर पेट्रोल 100.79 रुपये आणि डिझेल 86.05 रुपये प्रति लिटर दरानं विकलं जात आहे. हरियाणामध्ये पेट्रोलच्या दरांत 0.21 रुपयांनी कपात झाल्यानंतर पेट्रोल 97.34 रुपये प्रति लिटर आणि डिझेल 90.19 रुपये प्रति लिटर दरानं विकलं जात आहे. तसेच, पंजाबमध्ये पेट्रोलच्या दरांत 0.54 रुपये आणि डिझेलच्या दरांत 0.53 रुपयांनी कपात केल्यानंतर पेट्रोल 96.35 रुपये आणि डिझेल 86.71 रुपये प्रति लिटरनं विकलं जात आहे.
देशातील महानगरांतील किमती काय?
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 106.31 रुपये | 94.27 रुपये |
| दिल्ली | 96.72 रुपये | 89.62 रुपये |
| चेन्नई | 102.74 रुपये | 94.33 रुपये |
| कोलकाता | 106.03 रुपये |
92.76 रुपये |
राज्यातील प्रमुख शहरांत दर काय?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 प्रति लिटर
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).