Petrol-Diesel Price : आजपासून राज्यात पेट्रोल 5, तर डिझेल 3 रुपयांनी स्वस्त; इतर महानगरांतील दर 'जैसे थेच'

Petrol-Diesel Price 15th July : राज्यातील जनतेला मोठा दिलासा. राज्य सरकारकडून पेट्रोल 5 रुपये आणि डिझेल 3 रुपये प्रति लिटरनं स्वस्त.

Petrol-Diesel Price 15th July : भारतीय तेल कंपन्यांनी आजचे पेट्रोल-डिझेलचे दर (Petrol-Diesel Price) जाहीर केले आहेत. आज महाराष्ट्रातील जनतेला मोठा दिलासा मिळाला आहे. आजपासून राज्यात पेट्रोल (Petrol Price) 5 रुपये आणि डिझेल 3 रुपये प्रति लिटरनं स्वस्त झालं आहे. अशातच महाराष्ट्र वगळता इतर राज्यांमध्ये पेट्रोल-डिझेलच्या दरांमध्ये सलग 55व्या दिवशी कोणताही बदल झालेला नाही. आजही देशातील सर्वात स्वस्त पेट्रोल पोर्ट ब्लेयरमध्ये असून 84.10 रुपये प्रति लिटरनं विकलं जात आहे. तर डिझेल (Diesel Price) 79.74 रुपये प्रति लिटरनं विकलं जात आहे. 

नवनिर्वाचित सरकारचा सर्वसामान्यांना मोठा दिलासा 

राज्यात आता पेट्रोल, डिझेलच्या दरावरील व्हॅट कमी करण्याचा निर्णय राज्य सरकारने घेतला आहे. या निर्णयामुळे राज्यात पेट्रोल 5 रुपये आणि डिझेल 3 रुपये प्रति लिटरनं स्वस्त झालं आहे. या निर्णयामुळे राज्याच्या तिजोरीवर 10 हजार कोटींचा बोजा पडणार आहे. राज्याचे मुख्यमंत्री एकनाथ शिंदे यांनी पत्रकार परिषदेत ही घोषणा केली. आज मध्यरात्रीपासून पेट्रोल, डिझेलचे नवीन दर राज्यात लागू करण्यात आले आहेत. 

राज्य सरकारनं केलेल्या दरकपातीनंतर राज्यातील पेट्रोल-डिझेलच्या दरांमध्ये मोठी घट पाहायला मिळत आहे. राज्याची राजधानी आणि देशाच्या आर्थिक राजधानीचं शहर असणाऱ्या मुंबईत आज पेट्रोल 106.25 तर, डिझेल 94.22 रुपये प्रति लिटरनं विकलं जात आहे. दरम्यान, काल मुंबईत पेट्रोल 111.30 रुपये आणि डिझेल 97.22 रुपये प्रति लिटरनं विकलं जात होतं. 

देशातील महानगरांतील दर काय? 

महाराष्ट्र वगळता देशातील इतर राज्यांत पेट्रोल-डिझेलचे दर मात्र स्थिर आहेत. देशाच्या राजधानीचं शहर असणाऱ्या दिल्लीत पेट्रोल-डिझेलचे दर स्थिर आहेत. राजधानी असलेल्या दिल्लीत 1 लिटर पेट्रोलची किंमत 96.72 रुपये आणि 1 लिटर डिझेलची किंमत 89.62 रुपये आहे. चेन्नईमध्ये पेट्रोलचे दर 102.63 रुपये तर, डिझेलचा दर 94.24, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रतिलिटर आहे.  

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).