Karauli Police Viral Photo : राजस्थानमध्ये करौली येथे हिंसाचार उसळल्याने तिथे दहशतीचं वातावरण आहे. परिसरात 7 एप्रिलपर्यंत कर्फ्यू लागू करण्यात आला आहे. दरम्यान, प्रत्येक नाण्याला दोन बाजू असतात. एक बाजू समोर असल्याने ती सर्वांना दिसते, पण कधी कधी त्यामागे दुसरी अधिक चांगली असणारी बाजू लपलेली असते. असाच काहीसा प्रकार राजस्थानच्या करौलीमध्ये घडला आहे. इथे एकीकडे झालेल्या हिंसाचाराचे फोटो समोर येत आहेत. ज्यामध्ये हिंसक दृश्य सर्वांसमोर येत आहेत. मात्र, दुसरीकडे मात्र सोशल मीडिया या हिंसक फोटोंमध्ये खाकीतील माणुसकीचं दर्शन दाखवणारा एक फोटो व्हायरल होत आहेत. सोशल मीडियावर एक फोटो सध्या व्हायरल होत आहे. या फोटोमधील हवालदार सध्या चर्चेचा विषय बनला आहे.






'हा' हवालदार कोण आहे?
या व्हायरल फोटोमधील हवालदाराचं नाव नेत्रेश शर्मा असं आहे. नेत्रेश शर्मा करौली शहर चौकीवर हवालदार म्हणून तैनात आहेत. करौलीमध्ये हिंसाचार उसळल्यानंतर पोलिसांना पाचारण आले. घटनास्थळी पोहोचलेले पोलीस आपल्या कामात व्यस्त झाले. दरम्यान, नेत्रेश यांची नजर फुटा कोट परिसरात आग लागलेल्या एका दुकानावर पडली. दुकानामध्ये दोन महिला आणि एक निष्पाप बालक अडकले होते. 


जीवाची पर्वा न करत वाचवले प्राण 
जीवाची पर्वा न करता नेत्रेश यांनी दुकानात शिरत तिघांनाही बाहेर काढले. नेत्रेश यांनी बालकाला छातीशी घेऊन धावत दुकानातून सुखरुप बाहेर काढले. प्राणाची बाजू लावून निरपराधांना वाचवल्याने नेत्रेश यांनी सर्वांचं लक्ष वेधून घेतलं आहे. त्यांचं कर्तव्याप्रती असलेलं समर्पण पाहून सर्वांनीच त्यांना सलाम करत आहेत. त्याचा हा फोटो सोशल मीडियावर चांगलाच व्हायरल झाला आहे.






मुख्यमंत्र्यांकडून मिळालं 'हे' बक्षीस


नेत्रेश यांचा फोटो व्हायरल झाल्यानंतर राजस्थानचे मुख्यमंत्री अशोक गेहलोत यांनीही नेत्रेशचे जोरदार कौतुक केले. गेहलोत यांनी बक्षीस म्हणून नेत्रेश यांना बढती देऊन त्यांची हेड कॉन्स्टेबल पदी नियुक्ती केली आहे. सोशल मीडियावर पोस्ट करत गेहलोत यांनी यासंदर्भात माहिती दिली आहे. 


महत्त्वाच्या बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha