IndiGo offer: देशातील खाजगी विमान कंपनीच्या फ्लाईट ऑपरेशनला 16 वर्षे पूर्ण झाली आहेत. अशातच इंडिगोने स्वस्तात विमान प्रवास करण्याची जबरदस्त ऑफर आणली आहे. इंडिगोने सर्व डोमेस्टिक मार्गांवर "स्वीट 16" ऑफर आणली आहे. नेमकी काय आहे ही ऑफर?
केवळ 1616 रुपयात फ्लाइट तिकीट?
इंडिगोच्या फ्लाइट ऑपरेशनला 16 वर्षे पूर्ण झाल्यामुळे केवळ 1616 रुपयात फ्लाइट तिकीट दिले जात आहे. ही ऑफर 3 ऑगस्टपासून सुरू झाली असून 5 ऑगस्टपर्यंत संपेल. या ऑफर अंतर्गत, विमान तिकीट बुक करणारे प्रवासी 18 ऑगस्ट 2022 ते 16 जुलै 2023 पर्यंत प्रवास करू शकतील. इंडिगोने आपल्या वेबसाइटद्वारे माहिती दिली आहे की, ही ऑफर इंटरग्लोब एव्हिएशन लिमिटेड (इंडिगो) द्वारे ऑफर केली जात आहे, ज्यामध्ये डोमेस्टीक मार्गांवर 1616 रूपयांपासून भाडे सुरू होते. 03 ऑगस्ट 2022 ते 05 ऑगस्ट 2022 दरम्यान हवाई तिकिटांचे बुकिंग करता येईल. आणि 18 ऑगस्ट 2022 ते 16 जुलै 2023 दरम्यान प्रवास करू शकतील. इंडिगोने आपल्या ट्विटमध्ये लिहिले आहे की, इंडिगोच्या स्वीट 16 सेल ऑफरचे बुकिंग फ्लाइट सुटण्याच्या 15 दिवस आधी केले जाऊ शकते.
मर्यादित यादी
Sweet 16 ऑफर अंतर्गत किती जागा ऑफर केल्या जात आहेत. याचा खुलासा इंडिगोने अद्यापही केलेला नाही. तर एअरलाइन्सने सांगितले की मर्यादित यादी आहे, त्यामुळे ही सवलत जागांच्या उपलब्धतेवर अवलंबून असेल, जो इंडिगोचा स्वतःचा निर्णय असेल. इंडिगोने सांगितले की, ही ऑफर कोणत्याही ऑफर स्कीम, प्रमोशनसोबत जोडली जाऊ नये. तसेच ही ऑफर ट्रान्सफर, एक्सचेंज किंवा इनकॅश केली जाऊ शकत नाही.