Guru Nanak Jayanti 2022 Holiday: उद्या (8नोव्हेंबर) जगभारात गुरु नानक जयंती (Guru Nanak Jayanti 2022) साजरी केली जाणार आहे. गुरु नानक (Guru Nanak) हे शीख धर्माचे (Sikh) संस्थापक आणि पहिले शीख गुरु होते. 1469 साली कार्तिक पौर्णिमेच्या (Kartik Pournima) दिवशी त्यांचा जन्म झाला. त्यामुळे दरवर्षी कार्तिक महिन्यातील पौर्णिमेला गुरु नानक जयंती जगभरात साजरी केली जाते. गुरु नानक जयंतीनिमित्त काही बँका बंद (Bank Holiday) असणार आहेत तर काही बँकांना सुट्टी नसणार आहे. कोणत्या शहरांमधील बँका बंद असतील, जाणून घेऊयात...
'या' शहरांमधील बँकांना सुट्टी
आयझॉल, बेलापूर, भोपाळ, भुवनेश्वर, चंदीगड, डेहराडून, हैदराबाद, जयपूर, जम्मू, कानपूर, कोलकाता, लखनौ, मुंबई, नागपूर, नवी दिल्ली, रायपूर, रांची, शिमला आणि श्रीनगर येथील बँका गुरु नानक जयंती दिवशी बंद राहतील. आगरतळा, अहमदाबाद, बेंगळुरू, चेन्नई, गंगटोक, गुवाहाटी, इम्फाळ, कोची, पणजी, पाटणा, शिलाँग आणि तिरुअनंतपुरम या शहरांमधील बँका सुरू राहतील.
या राज्यांच्या बँकांना सुट्टी नाही
त्रिपुरा,गुजरात, कर्नाटक, तमिळनाडू, सिक्कीम, आसाम, मणिपूर, केरळ, गोवा, बिहार आणि मेघालय या राज्यांमधील बँकांना गुरु नानक जयंती दिवशी सुट्टी नसणार आहे.
गुरुनानक जयंती व्यतिरिक्त या आठवड्यात 12 आणि 13 नोव्हेंबर रोजी बँका बंद राहतील. कारण 12 नोव्हेंबर रोजी महिन्याचा दुसरा शनिवार आहे आणि 13 नोव्हेंबरला रविवार आहे. बंगळुरू, शिलाँगमधील बँका 11 नोव्हेंबर रोजी कनकदास जयंती/वंगाळा सणाच्या निमित्ताने बंद राहतील. आठ नोव्हेंबरला गुरुनानक जयंती व्यतिरिक्त कार्तिक पौर्णिमा, रहस पौर्णिमा, वंगळा उत्सव हे सण देखील साजरे केले जाणार आहेत. तर या दिवशी वर्षातील शेवटचे चंद्रग्रहण (Chandra Grahan 2022) देखील असणार आहे.
शीख धर्माच्या अनुयायांसाठी गुरु नानक जयंती खास असते. या उत्सवाला प्रकाश उत्सव किंवा गुरु पर्व असेही म्हणतात. गुरुनानक जयंती उत्सव पौर्णिमेच्या दोन दिवस आधी सुरू होतो. त्यात अखंडपाठ, नगर कीर्तन यांसारख्या विधींचा समावेश आहे. गुरु नानक जयंतीच्या दिवशी देशभरातील गुरुद्वारा फुलांनी सजवले जातात, ज्याला मोठ्या संख्येने भाविक भेट देतात.
वाचा इतर महत्वाच्या बातम्या: