"या प्रकरणात कन्हैया कुमार सोबत अन्य दोघांच्या विरोधात खटला चालणार आहे. दिल्ली सरकारने देशद्रोहाच्या प्रकरणात या तिघांच्या विरोधात खटला चालवण्यासाठी परवानगी दिली आहे," अशी माहिती पोलिसांनी दिली आहे.
#JNU Attack जेएनयूमध्ये शांतपणे कन्हैय्या कुमारचं भाषण आणि आझादीच्या घोषणा ऐकत होती दीपिका पादुकोण
विशेष म्हणजे दिल्ली विधानसभा निवडणुकीच्या दरम्यान भाजपने आम आदमी पक्षावर कन्हैया कुमारला वाचवत असल्याचा आरोप केला होता. या मुद्द्यावरुन भाजपने आपला घेरण्याचा प्रयत्न केला होता. मात्र त्यावेळी आपने या आरोपाला उत्तर देणं देखील टाळलं होतं.
दिल्लीतील जवाहरलाल नेहरु विद्यापीठात कथित देशविरोधी नारे दिल्याप्रकरणी हा खटला कन्हैय्या कुमार विरोधात चालणार आहे. दिल्ली पोलिसांच्या विशेष पथकाला यासंबंधीची संमती देणारी फाईल ही गेल्या काही दिवसांपासून पडून होती. मात्र केजरीवाल सरकारने आता यावर निर्णय घेतला आहे. यामुळे आता कन्हैया कुमारवर देशद्रोहाचा खटला चालणार आहे.
काय आहे प्रकरण?
9 फेब्रुवारी 2016 रोजी जेएनयूच्या कॅम्पसमध्ये घोषणाबाजी केल्याचा व्हिडीओ समोर आला होता. व्हिडीओ समोर आल्यानंतर या प्रकरणाची चौकशी करण्यात आली होती. त्यावेळी कन्हैय्याकुमारच्या विरोधात देशद्रोहाचा गुन्हा नोंदवला गेला होता. जेएनयू कथित देशविरोधी घोषणा प्रकरणी तीन वर्षानंतर कन्हैय्याकुमार आणि उमर खालिदसह 10 जणांवर आरोपपत्र दाखल करण्यात आलं होतं. या विद्यार्थ्यांवर देशद्रोहाचं कलम लावण्यात आलं आहे. तब्बल 1250 पानांचं आरोपपत्र तयार करण्यात आलं आहे.