विहिंप आणि रा. स्व. संघाला समर्थन देणाऱ्या आझाद हिंद फौज आणि हिंदू हेल्पलाईनच्या कार्यकर्त्यांनी हा प्रताप केल्याचा आरोप आहे. सुप्रीम कोर्टासमोर फटाके फोडून आणि नागरिकांना फटाके वाटून विरोध व्यक्त करण्यात आला.
प्रदूषण करणाऱ्या इतर वस्तूंवर बंदी घातली जात नाही, मग फटाक्यांवरच का? असा सवाल करत हिंदू संघटनांनी सुप्रीम कोर्टाने बुधवारपर्यंत हिंदूविरोधी निर्णय हटवला नाही, तर दिवाळीत सुप्रीम कोर्टाच्या दालनात फटाके फोडणार, असा इशाराही दिला.
हिंदू सणांवर लादण्यात आलेली बंदी ही अन्यायकारक असून, फटाक्यांवर रोजगार चालणाऱ्यांची उपासमार होत असल्यानं हा निषेध व्यक्त केल्याची प्रतिक्रिया कार्यकर्त्यांनी दिली. या आंदोलनाची माहिती मिळताच पोलिसांनी कार्यकर्त्यांना अडवलं आणि 18 जणांना अटक केली.