Maharashtra Live blog: दिल्लीमधील हल्ल्याला जबाबदार असणाऱ्यांना सोडणार नाही : पंतप्रधान मोदी

11/11/2025 14:03:06

उत्तर प्रदेशातील अमरोहा येथील कंडक्टर अशोक कुमार गुर्जर यांचा मृत्यू; मूळगावी शोककळा

दिल्लीतील लाल किल्ला मेट्रो स्टेशनजवळ झालेल्या कार स्फोटात उत्तर प्रदेशातील अमरोहा येथील रहिवासी अशोक कुमार गुर्जर यांचा मृत्यू झाला आहे. अशोक कुमार हे दिल्ली परिवहन महामंडळात (DTC) कंडक्टर म्हणून कार्यरत होते आणि त्यांच्या मृत्यूमुळे त्यांच्या कुटुंबावर आणि मंगरौला या त्यांच्या मूळ गावी शोककळा पसरली आहे. एका नातेवाईकाने सांगितले, 'ते (अशोक कुमार) डीटीसीमध्ये नोकरी करत होते, प्रायव्हेट. ते दिवाळीला आले होते आणि त्यानंतर गेले होते.' या घटनेनंतर संपूर्ण गावात आणि कुटुंबात दुःखाचे वातावरण असून, कुटुंबातील काही सदस्य दिल्लीकडे रवाना झाले आहेत. या स्फोटात आतापर्यंत अनेक लोकांचा मृत्यू झाल्याची पुष्टी झाली असून, जखमींवर रुग्णालयात उपचार सुरू आहेत.

11/11/2025 14:01:40

Nitin Gadkari : दोषींवर कठोर कारवाई करणार! केंद्रीय मंत्री गडकरी यांचा इशारा

राजधानी दिल्लीमध्ये काल संध्याकाळी पावणे सातच्या सुमारास एका कारमध्ये भीषण स्फोट घडला. लाल किल्ला मेट्रो स्टेशनजवळील सिग्नलला हा स्फोट झाला. यावेळी दोनदा मोठ्या स्फोटाचा आवाज झाला. या स्फोटामुळे मोठी आग लागली आणि या आगीत काही गाड्या जळून खाक झाल्या. या घटनेमध्ये ९ जणांचा मृत्यू झाला असून ३० पेक्षा अधिक जण जखमी असल्याची माहिती मिळतेय.. अद्याप या स्फोटाचा कारण समजलं नसून या प्रकरणातील सर्व शक्यतांची चाचपणी सुरू असल्याची माहिती केंद्रीय गृहमंत्री अमित शाहांनी दिलीय. त्यातच या प्रकरणातील दोषींवर कठोर कारवाई करणार, असा इशारा केंद्रीय मंत्री गडकरी यांनी दिलाय.

11/11/2025 13:01:27

Who is Doctor Umar: डॉ. मोहम्मद उमर कोण आहे?

उमर हा हरियाणातील फरीदाबाद येथील अल फला मेडिकल कॉलेजमध्ये डॉक्टर म्हणून काम करत होता. तपास यंत्रणांना संशय आहे की, तो फरीदाबाद दहशतवादी मॉड्यूलशी जोडला गेला आहे. उमर हा अनंतनाग येथील सरकारी वैद्यकीय महाविद्यालयातील वरिष्ठ निवासी डॉक्टर आदिल अहमद राथेरचा जवळचा मित्र असल्याचे सांगितले जाते. ज्याला गेल्या आठवड्यात अटक करण्यात आली होती. आदिलच्या चौकशीनंतर सोमवारी फरीदाबादमध्ये छापा टाकण्यात आला आणि उमरचे नाव समोर आले. जम्मू आणि काश्मीर पोलिसांनी उमरची आई शहेमा बानो आणि भाऊ आशिक आणि झहूर यांना चौकशीसाठी ताब्यात घेतले आहे. सूत्रांचा दावा आहे की, उमरने त्याच्या दोन साथीदारांसह कट रचला आणि फरीदाबादमध्ये अटक झाल्यानंतर घाबरून तो अंमलात आणला.

11/11/2025 12:30:44

Beed News : केंद्राच्या फोर्स वन पथकाकडून ज्योतिर्लिंग वैद्यनाथ मंदिराची तपासणी

Beed News : बारा ज्योतिर्लिंगापैकी पाचवे ज्योतिर्लिंग असलेल्या बीडच्या परळी येथील प्रभू वैद्यनाथाच्या मंदिराच्या सुरक्षा व्यवस्थेचा आढावा केंद्राच्या फोर्स वन या पथकाने सोमवारी घेतला.. यावेळी या ठिकाणी केवळ दोनच पोलीस कर्मचारी सुरक्षेसाठी तैनात असल्याचे या पथकाच्या निदर्शनास आले.. याबाबत या पथकातील अधिकाऱ्यांनी थेट वरिष्ठ अधिकाऱ्यांना ही बाब गंभीर असल्याचे सांगत या ठिकाणी किमान चार कर्मचारी व एक पोलीस अधिकारी अशा पद्धतीने सुरक्षा व्यवस्था नियुक्त करावी अशी सूचना केल्याची माहिती सूत्रांनी दिली आहे.

11/11/2025 12:03:27

संत नगरी शेगावात सुरक्षा यंत्रणा हाय अलर्टवर; शेगाव रेल्वे स्थानकातील सुरक्षा व्यवस्था वाढवली

दिल्ली येथे झालेल्या बॉम्बस्फोटाच्या पार्श्वभूमीवर राज्यात हाय अलर्ट देण्यात आला आहे विशेष करून धार्मिक स्थळे व गर्दीच्या ठिकाणांना हा विशेष अलर्ट देण्यात आला आहे विदर्भाची पंढरी असलेल्या शेगाव येथील रेल्वे स्थानकातही आरपीएफ आणि जीआरपी पोलिसांनी मोठा बंदोबस्त ठेवला आहे येणाऱ्या जाणाऱ्या प्रत्येक प्रवाशावर पोलिसांची करडी नजर असून प्रवाशांच्या सामानाची बॅगांची तपासणी करण्यात येत आहे वेळोवेळी पोलिसांकडून प्रवाशांना ध्वनिक्षेपकाद्वारे सूचनाही करण्यात येत आहे

11/11/2025 11:47:57

नाशिक रोड रेल्वे स्थानकावरील सुरक्षा व्यवस्थेत गंभीर त्रुटी; बॅग स्कॅनर मशीनबंद, मेटल डिटेक्टरही उपलब्ध नाही.

दिल्लीतील लाल किल्ल्याजवळ झालेल्या स्फोटानंतर देशभरात हाय अलर्ट जारी करण्यात आला आहे, ज्यामुळे प्रमुख शहरांमध्ये सुरक्षा वाढवण्यात आली आहे. याच पार्श्वभूमीवर, नाशिक रोड रेल्वे स्थानकावरील सुरक्षा व्यवस्थेचा आढावा घेतला असता, तेथे गंभीर त्रुटी आढळून आल्या आहेत. स्थानकावरील बॅग स्कॅनर मशीन कित्येक दिवसांपासून बंद असून त्यावर धुळीचे थर साचले आहेत, तर मेटल डिटेक्टरही उपलब्ध नाही. सर्वात महत्वाचं म्हणजे जे बॅग स्कॅनर आहे हे स्कॅनरच गेल्या कित्येक दिवसांपासून बंद असल्याचं बघायला मिळतंय. यावर साचलेली हीची धूळ आहे. या धुळीवरनंच आपल्याला कळतंय की याचा वापरच गेल्या कित्येक दिवसांपासून होत नाहीये'. आरपीएफ (RPF) आणि पोलीस कर्मचारी तैनात असूनही, आवश्यक उपकरणांअभावी प्रवाशांची आणि त्यांच्या सामानाची तपासणी प्रभावीपणे होत नसल्याचे चित्र आहे.

11/11/2025 11:47:55

नाशिक रोड रेल्वे स्थानकावरील सुरक्षा व्यवस्थेत गंभीर त्रुटी; बॅग स्कॅनर मशीनबंद, मेटल डिटेक्टरही उपलब्ध नाही.

दिल्लीतील लाल किल्ल्याजवळ झालेल्या स्फोटानंतर देशभरात हाय अलर्ट जारी करण्यात आला आहे, ज्यामुळे प्रमुख शहरांमध्ये सुरक्षा वाढवण्यात आली आहे. याच पार्श्वभूमीवर, नाशिक रोड रेल्वे स्थानकावरील सुरक्षा व्यवस्थेचा आढावा घेतला असता, तेथे गंभीर त्रुटी आढळून आल्या आहेत. स्थानकावरील बॅग स्कॅनर मशीन कित्येक दिवसांपासून बंद असून त्यावर धुळीचे थर साचले आहेत, तर मेटल डिटेक्टरही उपलब्ध नाही. सर्वात महत्वाचं म्हणजे जे बॅग स्कॅनर आहे हे स्कॅनरच गेल्या कित्येक दिवसांपासून बंद असल्याचं बघायला मिळतंय. यावर साचलेली हीची धूळ आहे. या धुळीवरनंच आपल्याला कळतंय की याचा वापरच गेल्या कित्येक दिवसांपासून होत नाहीये'. आरपीएफ (RPF) आणि पोलीस कर्मचारी तैनात असूनही, आवश्यक उपकरणांअभावी प्रवाशांची आणि त्यांच्या सामानाची तपासणी प्रभावीपणे होत नसल्याचे चित्र आहे.

11/11/2025 11:47:51

, नाशिक रोड रेल्वे स्थानकावरील सुरक्षा व्यवस्थेत गंभीर त्रुटी; बॅग स्कॅनर मशीनबंद, मेटल डिटेक्टरही उपलब्ध नाही.

दिल्लीतील लाल किल्ल्याजवळ झालेल्या स्फोटानंतर देशभरात हाय अलर्ट जारी करण्यात आला आहे, ज्यामुळे प्रमुख शहरांमध्ये सुरक्षा वाढवण्यात आली आहे. याच पार्श्वभूमीवर, नाशिक रोड रेल्वे स्थानकावरील सुरक्षा व्यवस्थेचा आढावा घेतला असता, तेथे गंभीर त्रुटी आढळून आल्या आहेत. स्थानकावरील बॅग स्कॅनर मशीन कित्येक दिवसांपासून बंद असून त्यावर धुळीचे थर साचले आहेत, तर मेटल डिटेक्टरही उपलब्ध नाही. सर्वात महत्वाचं म्हणजे जे बॅग स्कॅनर आहे हे स्कॅनरच गेल्या कित्येक दिवसांपासून बंद असल्याचं बघायला मिळतंय. यावर साचलेली हीची धूळ आहे. या धुळीवरनंच आपल्याला कळतंय की याचा वापरच गेल्या कित्येक दिवसांपासून होत नाहीये'. आरपीएफ (RPF) आणि पोलीस कर्मचारी तैनात असूनही, आवश्यक उपकरणांअभावी प्रवाशांची आणि त्यांच्या सामानाची तपासणी प्रभावीपणे होत नसल्याचे चित्र आहे.

11/11/2025 11:36:15

Delhi Bomb Blast News : दिल्ली बॉम्बस्फोटानंतर गृहमंत्री अमित शहा यांच्या निवासस्थानी उच्चस्तरीय बैठक सुरु

Delhi Bomb Blast News : दिल्ली बॉम्बस्फोटांनंतर गृहमंत्री अमित शहा यांच्या निवासस्थानी उच्चस्तरीय बैठक सुरू झाली आहे. या बैठकीला गृहसचिव गोविंद मोहन, आयबी संचालक तपन डेका, दिल्ली पोलिस आयुक्त सतीश गोलचा आणि एनआयएचे महासंचालक उपस्थित होते. जम्मू आणि काश्मीरचे पोलिस महासंचालक (डीजीपी) देखील व्हिडिओ कॉन्फरन्सिंगद्वारे बैठकीत सामील होत आहेत. गृहमंत्री आतापर्यंतच्या तपासाची माहिती सर्व उच्च अधिकाऱ्यांना देतील.

11/11/2025 11:07:35

Delhi Bomb Blast News : दिल्ली स्फोटाच्या पार्श्वभूमीवर शिर्डीत देखील अलर्ट, वाहनांची तपासणी

Delhi Bomb Blast News : दिल्लीत झालेल्या बॉम्बस्फोटाच्या पार्श्वभूमीवर महाराष्ट्र राज्यात हाय अलर्ट देण्यात आला. देशभरातील भाविकांचे श्रद्धास्थान असलेल्या साईंच्या शिर्डीत देखील पोलीस दलाने शिर्डीत येणाऱ्या एन्ट्री पॉईंटवर वाहनांची तपासणी सुरु केली असून काल रात्रीपासूनच पोलीस दल देखील या सगळ्या बाबतीत ऍक्टिव्ह झाला आहे. शिर्डीत येणाऱ्या वाहनांची तपासणी या ठिकाणी शिर्डीच्या एन्ट्री पॉईंटवर करण्यात येत असून साई मंदिराने देखील सुरक्षा वाढवण्यात आल्याची माहिती शिर्डीचे पोलीस निरीक्षक रंजीत गलांडे यांनी दिली आहे.

11/11/2025 10:53:26

Delhi Bomb Blast News : दिल्ली बॉम्बस्फोटानंतर फरिदाबादमध्ये पोलिसांची शोध मोहीम सुरु

Delhi Bomb Blast News : दिल्ली बॉम्बस्फोटानंतर, फरिदाबाद पोलिस मोठ्या प्रमाणात शोध मोहीम राबवत आहेत. धौज गाव, फतेहपूर टागा गाव आणि अल्फालाह कॉलेजमध्ये पोलिस शोध घेत आहेत. कालच, फरिदाबाद पोलिस आणि जम्मू आणि काश्मीर पोलिसांनी फतेहपूर तागा आणि धौज भागातून मोठ्या प्रमाणात स्फोटके आणि शस्त्रे जप्त केली होती.

11/11/2025 10:39:19

Delhi Bomb Blast News : दिल्लीतील 'या' रस्त्यांवर वाहतूक निर्बंध

Delhi Bomb Blast News : 11 नोव्हेंबर रोजी, आपत्कालीन स्थितीमुळे, नेताजी सुभाष मार्गावरील चट्टा रेल कट ते सुभाष मार्ग कट या दोन्ही कॅरेजवे आणि सेवा रस्त्यांवर वाहतूक निर्बंध आणि वळवण्यात येतील. प्रवाशांना सकाळी 6 वाजल्यापासून पुढील आदेश येईपर्यंत या मार्गांवरून जाण्यास बंदी घातली आहे. तसेच, प्रवासासाठी पर्यायी रस्त्यांचा वापर करण्याचा सल्ला देण्यात आला आहे. नेताजी सुभाष मार्गावर चट्टा रेल कट ते सुभाष मार्ग कटपर्यंत कोणत्याही वाहनाला परवानगी दिली जाणार नाही.

11/11/2025 09:41:11

Delhi Bomb Blast News : बागेश्वर धामचे आचार्य धीरेंद्र कृष्ण शास्त्री यांनी दिल्ली स्फोटावर केलं भाष्य

Delhi Bomb Blast News : दिल्लीतील लाल किल्ला मेट्रो स्टेशनजवळ झालेल्या स्फोटाच्या घटनेच्या पार्श्वभूमीवर बागेश्वर धाम सरकार आचार्य धीरेंद्र कृष्ण शास्त्री म्हणाले, "काल जे घडलं ते अत्यंत निंदनीय आणि अमानवी आहे. ज्यांचं या स्फोटात निधन झालं आहे त्यांच्या आत्म्याला शांती लाभो अशी आम्ही देवाकडे प्रार्थना करतो. आम्ही आमच्या शोकसंवेदना व्यक्त करतो. धर्मांध धार्मिक पंथाच्या विचारसरणीला आळा घालण्यासाठी सनातनींनी आता एकत्र आले पाहिजे. या देशातील भारतीयांमध्ये एकता येईपर्यंत आम्ही आमची पदयात्रा सुरु ठेवू."

11/11/2025 09:07:04

Delhi Bomb Blast News : श्रीमंत दगडूशेठ गणपती मंदिरात देखील सुरक्षा वाढवण्यात आली

Delhi Bomb Blast News : सगळ्या पुणेकरांचं श्रद्धास्थान असलेल्या श्रीमंत दगडूशेठ गणपती मंदिरात देखील सुरक्षा वाढवण्यात आली आहे. रोज हजारोंच्या संख्येने भाविक या मंदिरात दर्शनाला येतात आणि ज्या वेळी दिल्लीसारख्या स्फोटाच्या घटना घडतात त्यावेळी दगडूशेठ गणपती मंदिराला मोठ्या प्रमाणात सुरक्षा तैनात करण्यात येते. BDDS पथकाच्या आझाद नावाचा श्वान आधी दगडूशेठ गणपती समोर नतमस्थक झाला आणि नंतर संपूर्ण मंदिराची पाहणी केली.

11/11/2025 08:58:26

Delhi Bomb Blast News : आतंकवादला समर्थन करणाऱ्यांना या देशात कुठली जागा नाही - नितीन गडकरी

Delhi Bomb Blast News : दिल्लीतील लाल किल्ल्यावरील स्फोटाबाबत केंद्रीय मंत्री नितीन गडकरी यांनी दु:ख व्यक्त केलं आहे. ते म्हणतात, "ही दुर्दैवी घटना आहे. सरकारने याला गंभीरतेने घेतलेलं आहे. अशा पद्धतीची कृती करणाऱ्या लोकांवर कठोर कारवाई केली जाईल. आतंकवादला समर्थन करणाऱ्यांना या देशात कुठली जागा नाही. सर्वांनी याचा धिक्कार केला पाहिजे. निरअपराध लोकांचा जो मृत्यू झाला. त्यातील दोषींवर कठोर कारवाई केली जाईल.

11/11/2025 08:53:22

Delhi Bomb Blast News : दिल्ली बॉम्बस्फोटाच्या पार्श्वभूमीवर पुण्यातील सिव्हिल कोर्ट मेट्रो स्टेशनवर पाहणी

Delhi Bomb Blast News : दिल्ली बॉम्बस्फोटाच्या पार्श्वभूमीवर पुण्यातील सिव्हिल कोर्ट मेट्रो स्टेशनवर देखील पाहणी करण्यात येत आहे. बीडीडीएस आणि मेट्रो सिक्योरिटीकडून बंदोबस्त वाढवण्यात आला आहे. सिव्हिल कोर्ट मेट्रो स्टेशन हे पुण्यातील चेंबर आहे. वनाज आणि पिंपरी- चिंचवड या दोन्ही मार्गावर या मेट्रो स्थानकावरून धावतात त्यामुळे या मेट्रो स्टेशनवर जास्त प्रवासी असतात. याच मेट्रो स्टेशनवर आता घातपात घडू नये म्हणून खबरदारी घेतली जात आहे.

11/11/2025 08:51:57

Delhi Bomb Blast News : दिल्ली बॉम्बस्फोटाच्या पार्श्वभूमीवर 6 मृतदेहांची ओळख पटली

Delhi Bomb Blast News : डीसीपी उत्तर राजा बांठिया म्हणाले की, यूएपीए, स्फोटके कायदा आणि भारतीय दंड संहिता (आयपीसी) अंतर्गत एफआयआर नोंदवण्यात आला आहे. तपास सुरु झाला आहे आणि दिल्ली पोलिस, एफएसएल, एनएसजी यांच्या अनेक विशेष पथके घटनास्थळी उपस्थित आहेत आणि तपासात मदत करण्यासाठी सर्व शक्य पुरावे गोळा करतायत. तपास अद्याप प्राथमिक टप्प्यात सुरु आहे. एलएनजेपी येथेही पोस्टमॉर्टेम केले जात आहेत. पाच मृतदेहांचे शवविच्छेदन आधीच झाले आहे. आम्ही आधीच सहा मृतदेहांची ओळख पटवली आहे." सविस्तर वाचण्यासाठी इथे क्लिक करा.

11/11/2025 08:40:59

Delhi Bomb Blast News : दिल्ली स्फोटानंतर नागपूर विमानतळावर सुरक्षा व्यवस्था वाढवली

Delhi Bomb Blast News : दिल्ली येथील स्फोटाच्या पार्शवभूमीवर राज्यातील सर्वच विमानतळाची सुरक्षा हाय अलर्टवर ठेवण्यात आली आहे. नागपूर विमातळाची सुरक्षा देखील वाढवण्यात आली असून विमानतळाच्या आत मध्ये जाणाऱ्या प्रवाशांची कसून चौकशी केली जात आहे. प्रवाशांच्या सामानांची स्कँनिंग विमानतळाच्या बाहेर आणि आतमध्ये अशा दुहेरी स्तरावर केली जात आहे. सविस्तर वाचण्यासाठी इथे क्लिक करा.

11/11/2025 08:36:31

Delhi Bomb Blast News : स्फोट झालेल्या कारमध्ये मृतदेहांच्या शरीराचे अवयव सापडले - दिल्ली पोलिसांची माहिती

Delhi Bomb Blast News : दिल्लीतील बॉम्बस्फोट प्रकरणाच्या संदर्भात डीसीपी उत्तर राजा बांठिया म्हणतात, "कोतवाली पोलिस ठाण्यात एफआयआर नोंदवण्यात आला आहे. यूएपीए, स्फोटके कायदा आणि बीएनएसच्या कलमांखाली गुन्हा दाखल करण्यात आला आहे. एनएसजी, दिल्ली पोलिस आणि फॉरेन्सिकचे पथक घटनास्थळी उपस्थित आहेत आणि संपूर्ण गुन्ह्याच्या ठिकाणाची चौकशी करत आहेत. याचा तपास सुरू आहे. ज्या गाडीत स्फोट झाला त्या गाडीत काही मृत शरीराचे अवयव आहेत. फॉरेन्सिक टीम ते गोळा करतायत. आता ते एकमेकांशी कसे जुळतात याचा शोध सुरु आहे."

11/11/2025 08:24:58

Delhi Bomb Blast News : लाल किल्ल्यावरील स्फोटाच्या पार्श्वभूमीवर ऑस्ट्रेलियाकडून दुःख व्यक्त

Delhi Bomb Blast News : दिल्लीतील लाल किल्ल्यावरील स्फोटाबद्दल ऑस्ट्रेलियाने तीव्र दुःख व्यक्त केलं आहे. भारतातील ऑस्ट्रेलियन उच्चायुक्त म्हणाले, "या घटनेने प्रभावित झालेल्या प्रत्येकाबरोबर आमची तीव्र संवेदना आहे. "ज्यांनी आपल्या प्रियजनांना गमावले त्यांच्या कुटुंबियांबद्दल आम्ही संवेदना व्यक्त करतो. तसेच, जे जखमी झाले आहेत ते लवकरात लवकर बरे व्हावेत अशी इच्छा आम्ही व्यक्त करतो."

11/11/2025 08:03:41

Delhi Bomb Blast News: 3 तास कार पार्किंगमध्ये उभी केली, 6.22 वाजता निघाली, एक यू-टर्न, सिग्नलला वेग कमी अन्...; नेमकं काय काय घडलं?

Delhi Bomb Blast News नवी दिल्ली: देशाची राजधानी दिल्ली काल (10 नोव्हेंबर) स्फोटाने (Delhi Bomb Blast) हादरली. ऐतिहासिक लाल किल्ल्याजवळील लाल किल्ला (Delhi Red Fort Blast) मेट्रो स्टेशनच्या गेट क्रमांक 1 जवळून जाणाऱ्या एका कारमध्ये (Delhi Car Blast) सोमवारी सायंकाळी 6.52 वाजता भयंकर स्फोट झाला. या स्फोटात 9 जण ठार व 24 जण जखमी झाले. स्फोटानंतर आग भडकली व परिसरातील अनेक वाहनांनी पेट घेतला. मेट्रो स्टेशनच्या गेट आणि आजूबाजूच्या काचाही फुटल्या. कारचा स्फोट होण्याआधी सदर i-20 कार सुनहेरी मशीदजवळील पार्किंगमध्ये जवळपास 3 तास उभी होती. सविस्तर बातमी वाचण्यासाठी क्लिक करा.

11/11/2025 07:59:58

Delhi Bomb Blast: दिल्ली बॉम्बस्फोटाच्या पार्शवभूमीवर नागपूरच्या संघ मुख्यालय येथील सुरक्षा वाढवली

दिल्ली बॉम्बस्फोटाच्या पार्शवभूमीवर नागपूरच्या संघ मुख्यालय येथील सुरक्षा वाढवण्यात आली ...

बडकस चौकाला लागून असलेल्या केशव टि पॉईंटवर बंदूकधारी सुरक्षा रक्षक तैनात करण्यात आले आहे ...

सोबतच नागपूरचे संवेदनशील स्थान असलेल्या दीक्षाभूमी , मुख्य रेल्वे स्थानक ,अजनी रेल्वे स्थानक , इतवारी रेल्वे स्थानकांची सुरक्षा वाढवण्यात आली ...

संघमुख्यालयाला सीआयएसएफ , एसआरपीएफ व नागपूर शहर पोलीस असा तिहेरी सुरक्षेचा घेरा आहे ...

सर्वात आतल्या घेण्यात सीआयएसएफ , दुसऱ्या घेऱ्यात एसआरपीएफ व बाहेरच्या सुरक्षा घेऱ्यात नागपूर पोलीस तैनात आहे ...

11/11/2025 07:59:00

Delhi bomb blast: दिल्ली बॉम्बस्फोटानंतर मुंबईत सुरक्षा वाढवली

ऐतिहासिक लाल किल्ल्याजवळ असलेल्या मेट्रो स्टेशनच्या गेट नंबर १ जवळ गाडीत स्फोट झाल्याची घटना घडली आणि त्यानंतर संपूर्ण देशात हाय अलर्ट जारी करण्यात आला आहे. देशभरातील एतिहासिक स्थळे, प्रक्षेणीय स्थळे, मंदिरे याठिकाणी सुरक्षा वाढवण्यात आली आहे. मुंबईतील प्रसिद्ध सिद्धिविनायक मंदिर परिसरात देखील सुरक्षा वाढवण्यात आली आहे. याठिकाणी बॅरिकेटिंग करण्यात आली आहे तसेच येणाऱ्या प्रत्येकाची तपासणी करण्यात येत आहे. सिद्धिविनायक मंदिर प्रशासनाची रात्री उशिरा बैठक पार पडली आणि यात सुरक्षेचा आढावा देखील घेण्यात आला आहे.

11/11/2025 07:57:28

Delhi Bomb Blast News: मोहम्मद उमरने स्वत: कार चालवत आत्मघाती हल्ला केल्याचा संशय

Delhi Bomb Blast News नवी दिल्ली: देशाची राजधानी दिल्ली काल (10 नोव्हेंबर) स्फोटाने (Delhi Bomb Blast) हादरली. ऐतिहासिक लाल किल्ल्याजवळील लाल किल्ला (Delhi Red Fort Blast) मेट्रो स्टेशनच्या गेट क्रमांक 1 जवळून जाणाऱ्या एका कारमध्ये (Delhi Car Blast) सोमवारी सायंकाळी 6.52 वाजता भयंकर स्फोट झाला. या स्फोटात 9 जण ठार व 24 जण जखमी झाले. स्फोटानंतर आग भडकली व परिसरातील अनेक वाहनांनी पेट घेतला. मेट्रो स्टेशनच्या गेट आणि आजूबाजूच्या काचाही फुटल्या. सविस्तर वाचण्यासाठी क्लिक करा.

11/11/2025 07:56:41

Delhi Bomb Blast News: दिल्लीतील लाल किल्ला मेट्रो स्टेशन स्फोटाचे पुलवामा कनेक्शन

Delhi Red Fort Metro Station Blast : नवी दिल्लीतील लाल किल्ला मेट्रो स्टेशनजवळ सोमवारी संध्याकाळी (10 नोव्हेंबर) झालेल्या स्फोटात (Delhi Red Fort Blast) आतापर्यंत 9 जणांचा मृत्यू झाला आहे तर 30 हून अधिक लोक जखमी झाले आहेत. दिल्लीतील लाल किल्ला मेट्रो स्टेशनच्या गेट क्रमांक 1 जवळ झालेल्या कार स्फोटाच्या (Delhi Bomb Blast) तपासात आता पुलवामा कनेक्शन समोर आले आहे. सविस्तर वाचण्यासाठी क्लिक करा.

11/11/2025 07:56:02

Delhi bomb blast: फॉरेन्सिक टीम घटनास्थळी दाखल

दिल्ली बॉम्बस्फोटाचा तपास करण्यासाठी घटनास्थळी फॉरेन्सिक टीम दाखल झाली आहे. या टीमकडून सध्या घटनास्थळावरून पुरावे गोळा केले जात आहेत.

11/11/2025 07:54:58

Delhi bomb blast: दिल्लीतील बॉम्बस्फोटानंतर पोलिसांची वेगवान शोधमोहीम

दिल्लीतील बॉम्बस्फोटानंतर पोलिसांकडून वेगवान शोधमोहीम सुरु आहे. आतापर्यंत 100 पेक्षा अधिक सीसीटीव्ही कॅमेऱ्यांचे फुटेज तपासण्यात आले आहे. लाल किल्ला मेट्रोचे 1 आणि 4 नंबर गेट बंद ठेवण्यात आले आहे.

11/11/2025 07:53:19

Delhi blast Maharashtra: दिल्लीतील स्फोटाच्या पार्श्वभूमीवर राज्यातील धार्मिक स्थळांना विशेष अलर्ट

काल सायंकाळी दिल्ली येथे झालेल्या बॉम्बस्फोटाच्या पार्श्वभूमीवर राज्यातील धार्मिक स्थळे व गर्दीच्या ठिकाणांना विशेष अलर्ट देण्यात आला आहे. या सर्व पार्श्वभूमीवर देशभरात प्रसिद्ध असलेल्या शेगाव येथील संत गजानन महाराज मंदिर परिसरातही पोलिसांनी विशेष खबरदारी घेत छावणीचा स्वरूप दिलेला आहे प्रत्येक भाविकाची मेटल डिटेक्टर च्या माध्यमातून तपासणी करून आज सोडण्यात येत आहे तर मंदिर परिसरात शीघ्रकृतिदल व पोलिसांचा मोठा पहारा लावण्यात आलेला आहे या ठिकाणी सशस्त्र पोलीसही नेमण्यात आले आहे

Maharashtra Live blog: दिल्लीमधील हल्ल्याला जबाबदार असणाऱ्यांना सोडणार नाही : पंतप्रधान नरेंद्र मोदी

पार्श्वभूमी