नवी दिल्ली : आपण एखादी गोष्ट मिळवण्यासाठी अथक प्रयत्न करतो आणि ती गोष्ट मिळाली की मात्र आपला आनंद गगनात मावेनासा होतो. आपलं ध्येय साध्य केल्यानंतर आनंदाला पारावारचं उरत नाही. पण तुम्ही कधी प्राण्यांना आपलं ध्येय साध्या केल्यानंतर आनंदी झालेलं पाहिलं आहे का? एका मैदानात एक अचंबित करणारं दृश्य पाहायला मिळालं. जिथे एक हरिण आपलं टॅलेन्ट दाखवल्यानंतर आनंदाने नाचू लागलं.
सध्या एक व्हिडीओ इंटरनेटवर व्हायरल होत आहे. या व्हिडीओमध्ये तुम्ही पाहू शकता. एक हरिण फुटबॉलसोबत मैदानात खेळत आहेत. ते आपल्या डोक्याचा वापर करून गोल करतो. त्यानंतर ते हरिण आनंदानं उड्या मारतं. एखाद्या फुटबॉलप्लेयरने गोल केल्यानंतर त्याला जेवढा आनंद होतो, तसाच आनंद या हरणालाही झालेला दिसत आहे.
व्हायरल होणारा हा व्हिडीओ भारतीय वन विभागाचे अधिकारी सुशांत नंदा यांनी आपल्या ट्विटरहॅन्डलवरून शेअर केला आहे. त्यानंतर अनेक लोकांनी आपल्या हटके कोटसह रिट्वीट केला आहे. व्हिडीओ ट्वीट करत सुशांत नंदा यांनी लिहिलं आहे की, आपण आपलं लक्ष्य गाठल्यानंतर खूश झालं पाहिजे. मग आपल्या समोर आपला प्रतिस्पर्धी असो वा, नसो. या व्हिडीओ व्यतिरिक्त त्यांनी आपल्या टाइमवलाइनवर इतर अनेक प्राण्यांचे हटके व्हिडीओही शेअर केले आहेत.
दरम्यान, याआधीही प्राण्यांचे अनेक व्हिडीओ व्हायरल झाले आहेत. असे हटके व्हिडीओ अनेकदा यूजर्स ट्विटर, फेसबुक आणि इन्स्टाग्रामवर शेअर करताना दिसून येतात. अनेक व्हिडीओंमध्ये प्राणी वेगवेगळ्या कसरती करत असल्याचे पाहायला मिळते. तर काही व्हिडीओंमध्ये प्राणी अशा काही गोष्टी करतात, ज्यामुळे हसू आवरता येत नाही.
संबंधित बातम्या :