Coronavirus Cases in India : देशात कोरोनाचा धोका अजूनही संपलेला नाही. भारतातील कोरोना (Coronavirus Cases in India) प्रादुर्भावामध्ये सातत्याने चढउतार पाहायला मिळत आहे. आज देशातील कोरोनाबाधितांची संख्या काहीशी कमी झाली आहे. गेल्या 24 तासांत 275 नवीन रुग्ण कोरोना पॉझिटिव्ह आढळले आहेत. तर, एकही कोरोनाबाधित रूग्णाचा मृत्यू झालेला नाही. दरम्यान देशातील कोरोना संसर्ग किंचित घटला असला, तरी धोका कायम आहे. जगभरात चीन, जपान आणि ब्राझीलसह अनेक देशांमध्ये पुन्हा एकदा कोरोनाचा कहर वाढताना दिसत आहे. चीनमधील अनेक शहरांमध्ये लॉकडाऊनही लागू करण्यात आला आहे. या पार्श्वभूमीवर आरोग्य प्रशासनाकडून कोरोना विषाणूकडे दुर्लक्ष न करता काळजी घेण्याचं आणि सार्वजनिक ठिकाणी मास्क वापरण्याचं आवाहन केलं जात आहे.
सक्रिय कोरोना रूग्णांची संख्या
केंद्रीय आरोग्य मंत्रालयाने दिलेल्या माहितीनुसार, भारतात 275 नवीन रूग्णांची वाढ नोंदविण्यात आली आहे. तर, सक्रिय संसर्गाची संख्या 4,767 वरून 4,672 वर घसरली आहे.
देशात सक्रिय रूग्णांची संख्या
देशात गेल्या 24 तासांत म्हणजेच मंगळवारी हजारांहून कमी कोरोना रुग्णांची नोंद करण्यात आली आहे. आतापर्यंत देशातील एकूण कोरोना बळींची संख्या 4,46,72,347 वर पोहोचली आहे. देशातील कोरोनाच्या सक्रिय रुग्णांची संख्या चार हजारांवर आहे. देशात सक्रीय कोरोना रूग्णांची संख्या चार हजार 855 वर पहोचली आहे. देशात 219 कोटींहून अधिक कोरोना प्रतिबंधात्मक लसी देण्यात आल्या आहेत. त्यामुळे कोरोना संसर्गाचा वेग कमी करण्यात मदत झाली आहे.
चीनमधील कोरोनाची स्थिती :
चीनमध्ये सोमवारी चीनमध्ये कोरोनाचे 40,052 नवीन कोरोना रुग्ण आढळले. रविवारी एक दिवस आधी चीनमध्ये विक्रमी 39,791 प्रकरणे नोंदवली गेली आहेत. चीनमध्ये सलग चौथ्या दिवशी कोविडच्या रुग्णांची संख्या 40 हजारांवर गेली आहे. राजधानी बीजिंग आणि शांघायसारख्या मोठ्या शहरांमध्येही लोक रस्त्यावर उतरले आहेत. तज्ज्ञांच्या मते, चीन सरकारच्या शून्य-कोविड धोरणामुळे (Zero-Covid Restrictions) लॉकडाऊनच्या वारंवार अंमलबजावणीमुळे व्यवसायात नुकसान झालेले लोक आता हे धोरण रद्द करण्याची मागणी करत आहेत.
महत्त्वाच्या बातम्या :