Byjus : एज्युटेक कंपनी बायजू (Byjus)  ही एकेकाळी देशातील सर्वात श्रीमंत स्टार्टअप होती. परंतु आता ती कंपनी प्रचंड अडचणीत आहे. आर्थिक टंचाई अधिक तीव्र होत आहे. कर्मचाऱ्यांचे पगार देण्यासाठी संस्थापक रवींद्रन (raveendran) बायजू यांना घर गहाण ठेवावे लागले आहे, सध्या अशी परिस्थिती आहे. पैसा उभा करण्यासाठी त्यांच्या कुटुंबाची संपत्तीही पणाला लागली आहे.


स्टार्टअप कंपनी बायजूला सध्या आर्थिक टंचाईचा सामना करावा लागत आहे. त्यांच्याकडे कर्मचाऱ्यांचे पगार देण्यासाठी देखील पैसे नाहीत. त्यामुळं कंपनीचे संस्थापक रवींद्रन यांनी केवळ आपली मालमत्ताच नाही तर आपल्या कुटुंबातील सदस्यांच्या नावावर असलेली मालमत्ता गहाण ठेवून पैसे उभे करण्याचा मार्ग शोधला आहे.


40 कोटी डॉलर्सचे घेतले कर्ज 


रवींद्रन यांच्या कुटुंबाकडे बंगळुरुमध्ये दोन घरे आहेत. यासोबतच 'एप्सिलॉन' या गेट्ड सोसायटीमध्ये त्याच्या व्हिलाचं बांधकाम सुरू आहे. त्याने 1.2 कोटी डॉलर (सुमारे 100 कोटी रुपये) कर्ज घेण्यासाठी आपली मालमत्ता गहाण ठेवली आहे. बायजूला त्याच्या मूळ कंपनी थिंक अँड लर्न प्रायव्हेट लिमिटेडच्या 15,000 कर्मचाऱ्यांना पगार द्यावा लागतो. रवींद्रन यांची एकूण संपत्ती 5 अब्ज डॉलर्स (सुमारे 41,715 कोटी रुपये) होती. आता त्याने 40 कोटी डॉलर्सचे वैयक्तिक कर्ज घेतले आहे. त्याने कंपनीतील आपले सर्व शेअर्सही गहाण ठेवले आहेत.


कंपनी वाचवण्याचा प्रयत्न 


बायजूचा रोख प्रवाह पूर्णपणे डळमळीत झाला आहे. कंपनीने कर्मचारी काढून टाकण्यापासून नवीन निधी उभारण्यापर्यंत सर्व काही प्रयत्न केले आहेत. याशिवाय, परकीय चलन व्यवहार कायद्यातील काही तरतुदींचे उल्लंघन केल्याबद्दल ईडीकडून चौकशीला सामोरे जावे लागत आहे. हे प्रकरण सुमारे 9,000 कोटी रुपयांच्या गैरव्यवहाराचे आहे. या सर्व प्रकारामुळे कंपनीचे संकट सातत्याने वाढत आहे. त्याच्या गुंतवणूकदारांनी बायजूच्या कार्यपद्धतीबद्दलही तक्रार केली आहे. याबाबत अनेक मंडळ सदस्यांनी आक्षेप नोंदवले आहेत. कंपनीने अनेक वर्षांपासून पुस्तकांचे ऑडिट केलेले नाही. सध्या 2023-24 हे आर्थिक वर्ष सुरू आहे, तर कंपनीने 2020-21 चे आर्थिक विवरणही तयार केलेले नाही.


दरम्यान, कंपनीचे संस्थापक कसे तरी कंपनी चालू ठेवण्याचा प्रयत्न करत आहेत. याच क्रमाने आता रवींद्रनने स्वतःचे घर ठेवल्याची बातमी आली आहे. बायजूने अमेरिकेचे डिजिटल वाचन प्लॅटफॉर्म देखील विकत घेतले होते. आता ते सुमारे 3337.15 कोटी रुपयांना विकण्याची तयारी आहे. या संदर्भात बीजू रवींद्रन किंवा बायजूकडून अद्याप कोणतेही अधिकृत वक्तव्य आलेले नाही.


महत्त्वाच्या बातम्या:


Lionel Messi - BYJU's : स्टार फुटबॉलर मेस्सी भारतीय कंपनी Byju's चा ग्लोबल अॅम्बेसिडर