वाहतूक पोलिस उपनिरीक्षक एमएल निजलिंगप्पा यांच्या या साहसी कृत्यामुळे त्यांनी नागरिकांच्या हृदयात स्थान मिळवलं आहे. तर दुसरीकडे राज्याच्या वरिष्ठ पोलिस अधिकाऱ्यांनीही त्यांचा सन्मान केला.
त्रिनिटी क्षेत्रात मेट्रो ग्रीन लाईनच्या उद्घाटनाचा कार्यक्रम होता. या कार्यक्रमासाठी राष्ट्रपती प्रणव मुखर्जी बंगळुरुमध्ये होते.
राष्ट्रपतींचा ताफा राजभवनच्या दिशेने जात असल्याने वाहतूक रोखण्यात आली होती. पण या ट्रॅफिकमध्ये एक अॅम्ब्युलन्सही अडकली होती. त्यावेळी घटनस्थळी तैनात असलेले वाहतूक पोलिस उप निरीक्षक एमएल निजलिंगप्पा यांनी प्रसंगावधान दाखवून राष्ट्रपतींचा ताफा रोखला आणि अॅम्ब्युलन्सला वाट दिली.
ट्रॅफिक पोलिसाच्या या कृत्यामुळे बंगळुरुच्या वाहतूक पोलिस पूर्व विभागाचे उपायुक्त अभय गोयल यांनी ट्वीट करुन त्यांचं अभिनंदन केलं.
https://twitter.com/DCPTrEastBCP/status/876330897443704833
तर पोलिस आयुक्त प्रवीण सूद यांनीही एमएल निजलिंगप्पा यांचं कौतुक केलं.
https://twitter.com/CPBlr/status/876307506670092288