Maharashtra Heat: उन्हाळा सुरु झाला असून, ऊन्हाचा (Heat) चटका जाणवत आहे. तापमान देखील वाढताना पाहायला मिळत आहे. विशेष म्हणजे दुपारच्यावेळी घराबाहेर पडणं देखील अवघड होते. विशेष म्हणजे अनेकदा उन्हाळ्यामध्ये उन्हापासून बचाव करण्यासाठी स्वतःची काळजी कशी घ्यावी याची बऱ्याच जणांना माहिती नसते. अशात चक्कर येणे, उष्माघात तसेच विविध आजाराची लागण होण्याची शक्यता असते. त्यामुळे उन्हाळ्यात नेमकं काय करावे आणि काय करु नये याबाबत छत्रपती संभाजीनगर जिल्हा आपत्ती व्यवस्थापन प्राधिकरण विभागाने काही महत्त्वाचे आवाहन केले आहे. 


उन्हाळ्यात काय करावे... 


1. पुरेसे पाणी प्या, तहान लागली नसली तरीही दर अर्ध्या तासाच्या फरकाने पाणी प्या. 


2. घराबाहेर पडताना डोके झाकण्यासाठी छत्री अथवा टोपीचा वापर करा.


3. दुपारी 12  ते 3 वाजेदरम्यान घराबाहेर जाणे टाळा.


4. सूर्यप्रकाशापासून वाचण्यासाठी घरातील पडदे आणि झडपांचा वापर करा.


5. उष्णतेच्या लाटेच्या माहितीसाठी रेडिओ, टीव्ही किंवा वर्तमानपत्रातील माहितीचा वापर करण्यात यावा.


6. हलकी, पातळ व सच्छिद्र सुती कपडे वापरावेत. 


7. प्रवासात पिण्याचे पाणी सोबत ठेवावे.


8. उन्हात काम करत असल्यास टोपी, छत्री किंवा ओल्या कपड्याने डोके, मान, चेहरा झाकण्यात यावा.


9. शरीरातील पाण्याचे प्रमाण कमी होत असल्यास ORS, घरी बनवण्यात आलेली लस्सी, कैरीचे पन्हे, लिंबू-पाणी, ताक इत्यादीचा वापर नियमित करावा.


10. अशक्तपणा, डोकेदुखी सतत येणारा घाम इत्यादी उन्हाचा झटका बसण्याची चिन्हे ओळखावीत आणि चक्कर येत असल्यास तात्काळ डॉक्टरांचा सल्ला घेण्यात यावा.


11. गुरांना छावणीत ठेवण्यात यावे तसेच त्यांना पुरेसे पाणी पिण्यास देण्यात यावे.


12. घर थंड ठेवण्यासाठी पडदे, शटर आणि सनशेडचा वापर करण्यात यावा. तसेच रात्री खिडक्या उघड्या ठेवण्यात याव्यात.


13. पंखे, ओले कपडे याचा वापर करण्यात यावा. तसेच थंड पाण्याने वेळोवेळी स्नान करण्यात यावे.


14. कामाच्या ठिकाणी जवळच थंड पिण्याच्या पाण्याची व्यवस्था करण्यात यावी.


15. सूर्यप्रकाशाचा थेट संबंध टाळण्यासाठी कामगारांना सूचित करण्यात यावे.


17. गरोदर स्त्रिया आणि आजारी कामगारांची अधिक काळजी घेण्यात यावी.


18. राज्य आपत्ती व्यवस्थापन प्राधिकरणाच्या @SDMAMaharashtra या ट्विटर, फेसबुक आमइ कू अॅपवरील सूचना पाहाव्यात.


19. जिल्ह्यांच्या संकेतस्थळावर प्रसिद्ध करण्यात येणाऱ्या सूचना पाहाव्यात.


16. पहाटेच्या वेळी जास्त कामाचा निपटारा करण्यात यावा. तसेच बाहेर कामकाज करत असल्यास मध्ये मध्ये विश्रांती घेऊन नियमित आराम करण्यात यावा.


काय करु नये?


1. उन्हात अतिकष्टाची कामे करू नका.


2. दारु, चहा, कॉफी आणि कार्बोनेटेड थंड पेये घेऊ नका.


3. दुपारी 12 ते 3 च्या दरम्यान घराबाहेर जाणे टाळा.


4. उच्च प्रथिनयुक्त आणि शिळे अन्न खाऊ नका.


5. लहान मुले किंवा पाळीव प्राण्यांना बंद असलेल्या व पार्क केलेल्या वाहनात ठेवू नये.


6. गडद, घट्ट व जाड कपडे घालण्याचे टाळावे.


7. बाहेर तापमान जास्त असल्यास शारीरिक श्रमाची कामे टाळावी.


8. उन्हाच्या कालावधीत स्वयंपाक करण्याचे टाळण्यात यावे, तसेच मोकळ्या हवेसाठी स्वयंपाक घराची दारे आणि खिडक्या उघडी ठेवण्यात यावीत.


इतर महत्वाच्या बातम्या: 


वाहन पकडल्यावर होणारे वाद टाळण्यासाठी 'हे' करा; वाहतूक पोलिसांनी सुचवले पर्याय