बीड: भाजपचे दिवगंत नेते माजी केंद्रीय मंत्री गोपीनाथ मुंडे यांची तिसरी कन्या यशश्री मुंडे (Yashshree Munde) निवडणुकीच्या रिंगणात उतरत आहेत. याला निमित्त म्हणजे वैद्यनाथ अर्बन को-ऑपरेटिव बँकेच्या निवडणुकीचं, येत्या 10 ऑगस्टला वैद्यनाथ अर्बन को-ऑपरेटिव बँकेच्या संचालक मंडळाची निवडणूक प्रक्रिया पार पडणार आहे आणि याच निवडणुकीसाठी यशश्री मुंडे (Yashshree Munde) यांनी अर्ज दाखल केला आहे.
गोपीनाथ मुंडे यांच्या कन्या पंकजा आणि प्रीतम दोघीही राजकारणात सक्रिय असल्या तरी यशश्री मुंडे मात्र राजकारणापासून दूर पाहायला मिळाल्या. मात्र मागील दोन दसरा मेळाव्या दरम्यान यशश्री मुंडे पंकजा मुंडेंसोबत व्यासपीठावर पाहायला मिळाल्या.. त्याचवेळी त्यांची राजकारणात लॉन्चिंग होत असल्याचं बोललं जात होतं. मात्र यशश्री मुंडे राजकारणापासून दूर होत्या.
येत्या 14 जुलैला उमेदवारी अर्जांची छाननी आणि 15 ते 19 जुलै दरम्यान अर्ज मागे घेण्याचा कालावधी असून यानंतरच याचे चित्र स्पष्ट होणार आहे. एकूण 17 जागांसाठी ही निवडणूक होत असून 10 ऑगस्टला मतदान तर 12 रोजी मतमोजणी होणार आहे. या निवडणुकी निमित्त दिवंगत गोपीनाथ मुंडे यांच्या तिसऱ्या मुलीचे लॉन्चिंग होत आहे.
कोण आहेत यशश्री मुंडे?
दिवंगत गोपीनाथ मुंडे यांच्या कन्या आणि पंकजा, प्रीतम मुंडे यांची बहीण यशश्री मुंडे या पेशाने वकील आहेत. काही वर्षांपूर्वी त्यांचा अमेरिकेतील कार्नेल विद्यापीठाकडून प्रॉमिसिंग आशियाई स्टुडन्ट म्हणून गौरवही करण्यात आला. पंकजा मुंडे आणि प्रीतम मुंडे या दोघींचे शिक्षण मराठी माध्यमातून झाले. तर यशश्री यांनी शिक्षण इंग्रजी माध्यमातून पूर्ण केले आहे.आता वैद्यनाथ बँकेच्या निवडणुकीसाठी दाखल केलेल्या अर्जामुळे यशश्री मुंडे चर्चेत आल्या आहेत.
वैद्यनाथ बँकेच्या एकूण 17 जागांसाठी निवडणूक होत आहे. 10 ऑगस्टला मतदान तर 12 रोजी मतमोजणी होणार आहे. अर्ज भरण्याच्या शेवटच्या दिवशी माजी खासदार डॉक्टर प्रीतम मुंडे यशस्वी मुंडे या भगिनींसह 71 अर्ज दाखल झाले. 29 जुलै दरम्यान अर्ज मागे घेण्याचा कालावधी असून यानंतरच निवडणुकीचे चित्र स्पष्ट होणार आहे.